آخر الأخبار

سيكون التمرين غدا ان شاء الله مكتملا بجميع اللاعبين وربما تكون هنالك مباراة ودية يوم الاثنين مع احد الفرق في المقدمة وستلعب بتشكيلتين وبتكتيكين مختلفين. الوضع في البيت الهلالي أفضل الآن وكل المنظومة مصرة على تحقيق الأهداف الكبرى إدارة وجهاز فني ولاعبين وحصلت تنقية كبيرة للأجواء بعد مباراة الأمل. نرجو التفاف الجماهير الزرقاء حول الفريق.

المصدر: صحيفة الهلال بمنتدى كووورة سودانية

لا بديل للموردة اليوم سوى الفوز على الاهلي شندي

تستضيف الموردة مساء اليوم باستاد الخرطوم الاهلي شندي ضمن الاسبوع الثاني والعشرين لبطولة سوداني للدوري الممتاز وتعتبر مباراة اليوم مهمة ومصيرية وحاسمة للموردة التي اصبحت من فرق المؤخرة برصيد 20 نقطة جمعتها من 21 مباراة بعد فقدانها لـ43 نقطة على مدار الدورتين وتبقت للفريق 5 مباريات من بينها مباراة اليوم ولا بديل للموردة لانتزاع نقاط هذه المباريات 15 نقطة الا الفوز بداية بمباراة اليوم امام الاهلي شندي لان اي فقدان للنقاط ستكون عواقبه وخيمة .
وعليه نقول للاعبي الموردة يجب تناسي ما حدث من هزائم في السابق وفتح صفحة جديدة مليئة بالانتصارات اعتبارا من اليوم لأن التاريخ لن يرحم اذا ما حدث مكروه لشيخ الاندية السودانية في عهدكم ولا نريد منكم اليوم الفن والابداع والاداء الرائع فقط بل نريد الاقوان والنقاط فالوضع خطر لا يقبل سوى الفوز ولا بديل سواه ونقول لكم كذلك ان الذي لا يريد البقاء في الكشوفات بعد اداء الواجب وثبات الفريق في الممتاز مع نهاية الموسم سيتم اطلاق سراحه ووداعه بنفس الطريقة التي تم استقباله بها لأن مسيرة الموردة ماضية ولن تتأثر بأي لاعب مهما كان مستواه وحتى لو اراد فريق الموردة عام 2012م عدم البقاء في الكشوفات فليذهب غير مأسوف عليه وذلك لأن هذا الشعار المستمد من الكلية الحربية اللونين الازرق والاحمر يحتاج للمزيد من التضحيات ونكران الذات والتجرد وبذل الغالي والنفيس وعلي الرغم من ذلك فان ثقتنا فيكم كبيرة في اخراج الموردة من هذا النفق الضيق وذلك بالعودة للانتصارات »مورداب احبكم«.
وختاماً نناشد القاعدة الموردابية بالحضور المبكر لمؤازرة ومساندة اللاعبين منذ صافرة البداية وحتى اعلان الحكم لنهاية المباراة دون النظر الى نتيجتها لأن الهدف يأتي في كسر من الثانية.

قوون

الهلال يفرط في حسم لقب الممتاز ويواصل نزيف النقاط

الهلال يواصل نزيف النقاط:
فهود الشمال تجبر الموج الازرق على التعادل
غارزيتو يواصل تشكيلته الغريبة وتبديلاته الثلاثية
رصد صلاح ود احمد
تعادل الهلال والامل سلبيا في المباراة التي جرت مساء امس باستاد عطبرة في الدورة الثانية للممتاز وتمكن فهود الشمال من اجبار الهلال علي التعادل ولاحت لهم عدة فرص مضمونة ضاعت بسبب التسرع وواصل الهلال نزيف النقاط.
قوون قامت بتغطية المباراة عبر هذه المساحة:
مجريات الشوط الاول:
بدأت المباراة سريعة من الجانبين ولعب الفريقان بحذر واضح ومخالفة لصالح الامل ويقود الامل هجمة خطيرة وكان مهاجم الامل في حالة انفراد بالمرمي ويضيع هدف مضمون للامل ومخالفة من بوي ينفذها مجدي امبدة ترتطم بمدافع الهلال وتسديدة من سانييه ترتطم بالدفاع وبطاقة صفراء لزهير زكريا للخشونة والاحتجاج بعد ان ارتكب مخالفة مع كايا ومخالفة من علاء الدين مع زهير زكريا وخطأ لصالح الامل ينفذه طارق مختار ويبعدها الدفاع ومحاولة للاختراق من كايا يبعدها الدفاع وعكسية من كايا يلتقطها حارس الامل محمد ادم وتسديدة قوية من مهاجم الامل مرت جوار القائم وخطأ مع علاء الدين يوسف ينفذها مهند الطاهر ويمررها ولكن الكرة تعبر لخارج الملعب وكرة خطيرة للهلال يبعدها السنوسي امينو لخارج الملعب واصابة علاء الدين يوسف للمخالفة التي ارتكبها لاعب الامل اليوغندي وينفذها مهند الطاهر الذي يسدد كرة قوية في سقف المرمي يبعدها حارس الامل محمد ادم لركنية وبطاقة صفراء لمدثر كاريكا ومخالفة لصالح الامل يبعدها جمعة جنارو حارس الهلال لركنية ومخالفة من اكانقا تشكل هجمة خطيرة وفي اخر لحظة يبعدها بوي ومخالفة من خليفة مع لاعب الامل ويستمر اللعب سجالا بين الفريقين واستطاع الامل في هذا الشوط ان يتمركز جيدا في خط دفاعه الذي تألق فيه سامي عبد الله وانس الطاهر وطارق مختار ويعلن حكم المباراة عن نهاية الشوط الاول بالتعادل السلبي.
مجريات الشوط الثاني:
يجري الجهاز الفني للهلال ثلاثة تبديلات بخروج كل من علاء الدين يوسف واكانقا والطاهر ودخول هيثم مصطفي ومحمد احمد وبكري المدينة ويتعرض خليفة لاصابة ويعود ويواصل اللعب بعد ان تلقي العلاج وهجمة خطيرة من الامل عن طريق زهير زكريا الذي يمرر كرة رائعة لادم ساير الذي واجه حارس الهلال جمعة جنارو الذي افلح في افساد الهجمة بعد تدخله السليم ومخالفة للامل ويسدد مجدي امبدة كرة قوية تعلو العارضة وبطاقة صفراء لادم ساير وخطأ مع بكري المدينة ينفذه هيثم مصطفي يبعدها الدفاع ومخالفة من طارق مختار مع سانييه ينفذها هيثم مصطفي ولم تجد المتابعة وتلوح اول فرصة للهلال عندما واجه هيثم مصطفي حارس الامل محمد ادم ولكنه يلعبها في يد الحارس وتسديدة من كاريكا يستلمها حارس الامل محمد ادم وفرصة ضائعة للامل عندما لعب زهير زكريا لادم ساير الذي كان في انفراد تام بحارس الهلال جمعة جنارو وافسد جنارو الهجمة وتعرض ادم ساير وجنارو للاصابة وتم اسعافهما وعادا وواصلا اللعب مع زملائهما وتسديدة من سانييه في المرمي يبعدها الدفاع لركنية ويجري الجهاز الفني للامل اول تبديل بدخول مجدي كسلا وخروج كبيرو وتسديدة قوية من مهند الطاهر تعلو العارضة وتبديل اخر للامل بخروج تمساح ودخول حمدتو وفرصة خطيرة تلوح للهلال من خليفة يبعدها الامل وخطأ لصالح الامل مع ادم ساير يبعدها الدفاع ومخالفة للامل ينفذها لاعبو الامل بجملة تكتيكية رائعة وتصل الكرة لزهير زكريا الذي كان في مواجهة جمعة جنارو ويلعب زهير الكرة خارج المرمي وسط دهشة الجميع ويضيع هدف مؤكد للامل ومخالفة للهلال مع بكري المدينة ينفذها هيثم مصطفي ويبعدها الدفاع ومخالفة من صالح الامين لصالح الامل يبعدها دفاع الهلال ويجري الجهاز الفني للامل تبديله الثالث بخروج مجدي امبدة ودخول عامر عادل وتمريرة من محمد احمد لخليفة الذي سدد كرة ارتطمت بالدفاع ويتعرض زهير للاصابة مرتين ويعود ويواصل اللعب ويستمر اللعب سجالا بين الفريقين في الزمن بدل الضائع ليعلن الحكم عن نهاية المباراة بالتعادل السلبي بين الفريقين.
مثل الهلال جمعة جنارو، بوي، صالح الامين، كايا، خليفة، علاء الدين، هيثم مصطفي، مهند الطاهر، اكانقا، محمد احمد، كاريكا، الطاهر حماد، سانييه، بكري المدينة.

قوون

بعثة الهلال تتوجه اليوم لمدينة الحديد والنار في رحلة التمسك بالآمال

تتوجه بعثة الهلال ظهر اليوم لمدينة الحديد والنار عطبرة لمواجهة فريق الامل في بطولة الدوري الممتاز لكرة القدم وتحمل مباراة الغد بين الفريقين كل مقومات الاثارة والتشويق والترقب قياساً للمستوى المتطور الذي قدمه فريق الأمل في مباراته الأخيرة بفوزه على هلال الساحل وعلى الرابطة كوستى في المباراة التي لم تكتمل وكذلك يسعى الهلال بكل قوة لتأمين موقفه الصداري بالعودة لسكة الانتصارات بعد ان تعادل في مباراتيه الاخيرتين بالممتاز امام المريخ والخرطوم الوطني وتعتبر مباراة اليوم بمثابة تحدى للجهاز الفني ولاعبي الهلال ليتمسك الازرق بزمام الصدارة واسترداد الممتاز ويمثل الانتصار خطوة مهمة للغاية في طريق الهلال لرفع روح اللاعبين المعنوية وجماهير الفريق قبل مواجهة الفريق الصعبة امام الاهلي شندي في المرحلة الخامسة لدوري المجموعات الكونفدرالية حيث لا خيار للاعبي الارسنال شندي غير الفوز لذا تكمن خطورة المباراة على الازرق الذي سيعمل لوضع استراتيجية خاصة للحد من صحوة وانتفاضة الاهلي شندي الذي يتأهب لدخول التاريخ عبر بوابة الهلال في الجولة قبل الأخيرة لمرحلة المجموعات الكونفدرالية.
عطبرة تجهز الثلاثي للاثيوبي:
تعتبر مباراة الامل عطبرة فرصة جيدة لثلاثي الهلال الدولي القائد هيثم مصطفى والمقاتل علاء الدين يوسف والحارس الامين المعز محجوب للظهور المثالي للاعداد لمباراة منتخبنا المهمة والمرتقبة امام المنتخب الاثيوبي في اللقاء الحاسم المؤهل لنهائيات الأمم الافريقية بجنوب افريقيا .. وتمثل عودة المعز محجوب لعرين الهلال استعداداً جيداً وهو الحارس الذي يملك الكاريزما العالية والقيادة الرشيدة للاستفادة من خبراته الميدانية في مواجهة الاثيوبي رغم تألق وتميز الحارس الاثيوبي جمعة جينارو ولكن النظرة الوطنية يجب ان تكون حاضرة لتجهيز المعز الحارس المهاب.
مراجعة التنظيم الدفاعي للازرق واجب:
ظل التنظيم الدفاعي الذي ظل ينتهجه فرنسي الهلال غارزيتو باشراك ثلاثة مدافعين فقط في الخطوط الخلفية يشكل خطراً دائماً على الفريق بعد ان ظهر الارتباك والاهتزاز في الجانب الدفاعي للازرق والملاحظ الى ان تغيير الفرنسي للاسلوب الدفاعي في مباراة اياب الانتر الانجولي بمشاركة اربعة مدافعين جعل شكل المناطق الخلفية اكثر تنظيماً واذا ما اراد الجهاز الفني مواصلة المسيرة الناجحة بدون خسارة فتغيير الاستراتيجية الدفاعية واجب بعد ان ظهر عدم جدواها تماماً وكادت بل كلفت الفريق الكثير واخذت الهواجس والظنون تنتاب القواعد الجماهيرية بان تفقد طريقة غارزيتو في التنظيم الدفاعي الهلالي رغم فارق النقاط فهل يغير الجهاز الفني للازرق استراتيجيته استجابة لنبض المراقبين والمتابعين ام يواصل بذات النهج الذي اكد بان الازرق سيعاني حال استمراره كثيراً.
الامل ومواصلة الصحوة:
احدث فريق الامل العطبراوي مفاجأة مدوية في بداية الموسم بانتصار الفريق على المريخ في عقر داره ووسط انصاره ولفهود الشمال الدوافع ما يكفي لمواصلة الصحوة والتفوق على الهلال خاصة وان المباراة تعتبر ملحمة فنية وجماهيرية تنتظرها الجماهير الرياضية بلهفة خاصة في استاد عطبرة.
الاصابات والايقافات تهدد مسيرة الهلال:
تعرض فريق الهلال خلال الايام الماضية لصفعات قوية تمثلت في المران الذي داهم حارسه المعز محجوب والاصابات التي تعرض لها اللاعبون المؤثرون المعلم عمر بخيت والزيمبابوي سادومبا والسنغالي ساني واخيراً اللاعب نزار حامد في مواجهة الخرطوم الأخيرة .. ومن خلال المتابعات اضحت عودة الثنائي الحارس المعز محجوب والسنغالي ساني والزيمبابوي ادوارد سادومبا قريبة بعد ان كثف لها الجهاز الطبي العلاجات وقد يحتاج الثنائي المعلم عمر بخيت ونزار حامد للعديد من الجلسات العلاجية التي يمكن بها اللحاق بمباراة الاهلي شندي في البطولة الكونفدرالية.
وفي ذات الصعيد سيفقد الازرق جهود مدافعه الجسور سيف مساوي بسبب نيله البطاقة الصفراء الثانية والتي سيكون مؤثراً بالتأكيد للخبرات الكبيرة التي يملكها مساوي في الخطوط الخلفية والتحدي والعيون ستكون موجهة نحو المدافع الشاب عبد اللطيف بوي لسد الفراغ الكبير.
رب ضارة نافعة:
نبه تعادل الهلال الذي جاء بطعم الخسارة امام الخرطوم الجميع في الاسرة الهلالية بضرورة العمل والمثابرة والاجتهاد اكثر واكثر والاستفادة من العثرات والسلبيات باعتبار ان المرحلة القادمة لا تحتاج اي تراخٍ او استهتار فليكن شعار الهلال اعتبارا من اليوم حتى نهاية الموسم رب ضارة نافعة بالاستعداد والتأهب المثالي للعبور لدور الاربعة الكونفدرالية ومن ثم نهائي البطولة والعمل على تأمين استرداد الممتاز والاحتفاظ بكأس السودان وكل هذه النجاحات لن تأتي الا بتضافر كل المجهودات الهلالية فتكريس المجهودات بالفوز امام الامل والهلال كادقلي وهلال الساحل والاهلي مدني والنيل الحصاحيصا بالممتاز والاعداد لمواجهة هلال الفاشر في الكأس في طريق العبور لدور الاربعة والتأهب لمواجهتي الاهلي شندي والمريخ كونفدرالياً بقوة هو عين الصواب للتمسك بالآمال للصعود لجميع منصات التتويج هذا الموسم.

قوون

مجلس الصحافة يقرر احالة بعض الصحف والصحفيين للمحكمة

ناقشت هيئة المجلس القومي للصحافة والمطبوعات الصحفية في اجتماعها صباح امس تاثيرات النشر السالب الذي قامت به الصحافة الرياضية في الايام السابقة حول الانشطة الرياضية لكرة القدم وتداعيات ذلك للنشر علي الاوضاع الادارية بالاندية بالاضافة الي ما تسبب فيه ذلك من اثارة للراي العام يهدد الامن الامر الذي دفع مشجعي الاندية الي الخروج عن النظام والمحافظة علي السلوك الرياضي القويم بالاضافة الي ما نتج من ذلك من استقطاب حاد في المجتمع الرياضي بات يهدد بشكل لافت الامن والطمأنينة بل والرسالة النبيلة التي يضطلع بها النشاط الرياضي في المجتمع عامة.
وقد استعرضت الهيئة الاجراءات القانونية واللائحية التي ظلت تمارسها عادة في سبيل ضبط مظاهر النشر السالب وتقويم مسار الصحافة الرياضية وذلك من خلال الجزاءات التي نص عليها قانون الصحافة والمطبوعات الصحفية لسنة 2009 بالرغم من محدوديتها التي لا تتجاوز في حالتها القصوي تعليق الصدور لمدة ثلاثة ايام وخضوعها لتطعن فيها لدي المحاكم بواسطة المتاثرين بالقرار.
وقد رصدت الهيئة من خلال المتابعة اليومية لاداء الصحافة الرياضية خاصة في الايام الاخيرة المخالفات التي ارتكبتها بعض الصحف والجزاءات التي طبقت عليها كما رصدت فاعلية الجزاءات التي اتبعت من خلال لجنة الشكاوي وتسوية النزاعات ولجنة اخلاقات المهنة بالاضافة الي اللقاءات المتعددة التي عقدتها قيادة المجلس مع صحفيي وقياديي بعض الصحف التي تكرر مثولها امام هيئات المساءلة والتقويم بالمجلس القومي للصحافة والمطبوعات الصحفية وقد تبلورت قناعة لدي هيئة المجلس حول عدم جدوى هذه المحاولات التي حرصت الهيئة علي اتباعها حفاظا علي حرية التعبير ومساعدة الصحف علي القيام بواجباتها المختلفة التي من اجلها صدق المجلس لها بالصدور والتي تراعي الصدق والمهنية والمسئولية الاخلاقية.
وعلي ضوء عدم الاستجابة من بعض الصحف والصحفيين الرياضيين لكل هذه المجهدوات التي بذلت فقد قررت الهيئة احالة عدد من الصحف والصحفيين الي المحاكم المختصة وفقا للمادة 35 من قانون الصحافة والمطبوعات الصحفية والتي تنص علي سحب السجل الصحفي للصحفيين وايقاف الصدور للاصدارات الصحفية وفقا لما تقرره المحكمة المختصة بناء علي طلب المجلس القومي للصحافة والمطبوعات الصحفية وستقوم الادارة القانونية باعادة المذكرات التي ستقدم للمحكمة المختصة في اقرب وقت ممكن.
ومن جانب واستمرارا في حرص المجلس علي اشراك المجتمع السوداني بجميع قطاعاته في مساعي اصلاح الوسط الرياضي قرر المجلس دعوة كافة القطاعات ذات الصلة بالعمل الرياضي للانخراط في حوار صريح وشامل يسهم بفاعلية في تقويم مسار الصحف الرياضية ويدفع بها الي تحقيق غاياتها النبيلة.

 

مازدا يعود من القاهرة ويعلن اليوم برنامج اعداد صقور الجديان لمباراة اثيوبيا الفاصلة

وصل البلاد امس الاول قادما من القاهرة الكابتن محمد عبد الله مازدا المدير الفنى لمنتخبنا الوطنى الاول لكرة القدم وسيعقد اليوم اجتماعا مع اسامة عطا المنان المشرف العام للمنتخبات الوطنية وذلك لوضع كافة الترتيبات اللازمة لبرنامج صقور الجديان حول المرحلة المقبلة والتى ينازل فيها نظيره الاثيوبى لحساب الجولة الاخيرة من التصيفات الافريقية المؤهلة لنهائيات الامم بجنوب افريقيا فى العام المقبل يذكر ان المنتخب قد تلقى عددا من الدعوات لاداء مباريات ودية دولية قبل مباراة اثيوبيا من منتخبات رواندا ويوغندا وكينيا وينتظر اليوم ان يعلن المدير الفني بعد دراسة العروض الثلاثة تحديد رأيه النهائي لشكل الاعداد لمباراة اثيوبيا فى الرابع من اكتوبر المقبل يذكر ان صقور الجديان كان قد كسب لقاء الذهاب امام اثيوبيا بـ(5/3) فى اللقاء الذى جرت احداثه باستاد الهلال فى الثانى من الشهر الحالى .

قوون

البرنس حلّوا مشكلتو بـ(قرار جمهوري) وشارك في المباراة بـ(قرار جماهيري)

وان طال السفر - محمد عبد الماجد                                                            

موسى الزومة بعد هدف بشه قعد يغني (اغالط نفسي بي اصرار واقول يمكن انا الما جيت)
• لا اريد ان اتحدث بصورة موسعة عن مباراة الامس التى لعبت بين الهلالوالخرطوم الوطني ..خشية من توسيع الفارق...لكن مع ذلك لا بد من الوقوف عند بعض النقاط.
• يبدو ان الموضوع سوف يفلت مني جبرا.
• واضح ان قضية هيثم مصطفى حفظه الله ورعاه مازالت قيد الصراع...ومازالت تلقي بظلالها على الهلال كله.
• لا اريد ان اتطرق لهذا الموضوع بشكل تفصيلي ...غير اني اقول ان هيثم مصطفى عندما شارك في اخر 20 دقيقة مع المنتخب السوداني الذي كان يباري المنتخب الاثيوبي وكانت نتيجة المباراة تعادلية استطاع ان يجعل المنتخب السوداني يتقدم 5 -3.
• وقد ارتكب دفاع المنتخب الاثيوبي ضربة جزاء مع هيثم مصطفى ...جعلت مهند الطاهر يسجل هدفه الثاني في المباراة والهدف الخامس للمنتخب السوداني.
• هذا رغم من ان هيثم مصطفى جاء للمنتخب من منازلهم ..بعد ان كان يبعد عن المشاركة مع الهلال ..وكان يخرج حتى من الـ (18).
• وعندما كان غارزيتو يصدح من وقت لاخر عن عدم جاهزية هيثم مصطفى ...جاء البرنس وفاز بنجومية اول مباراة كاملة يشارك فيها في هذا الموسم.
• عليكم الله ..هسع دي حالة لاعب ما جاهز.
• طيب لو جاهز كان عمل شنو؟.
• انا ما عارف (ايكانغا) دا بجهزوه وين؟.
• ايكانغا يوجد في احدى الحالتين.
• يا مسافر ..يا عندو كرت اصفر.
• ايكانغا يبقى افضل لاعب تكتيكي في السودان الان الي جانب عمر بخيت ..لكن مشكلته تبقى في السفر وفي الكروت التي يناله.
• امس الاول لولا ان غارزيتو اشرك خليفة ومحمد احمد وبهاءالدين ويوسف محمد وعلاءالدين البعيد عن الفورمة لما اشرك هيثم مصطفى.
• هيثم مصطفى امس الاول اشرك ما جاهز ..وفاز بنجومية المباراة.
• يبقى هيثم مصطفى لاعب يضع تاريخا خاصا لنفسه ...وهو في هذا الموسم رغم انه شارك في مباريات لم تتجاوز عدد اصابع اليد ..إلا انه مع ذلك سطر لنفسه تاريخا فريدا.
• ان يظل لاعب مسيطرا على الساحة الرياضية على هذا النحو شارك ام لم يشارك يبقى امرا غريبا.
• ان تهتف المدرجات لهيثم مصطفى ..شارك ام لم يشارك يبقى امرا مدهشا.
• لقد اعتدنا من الجماهير ان تنسى اللاعب ان ابتعد عن المشاركة ..لكن هيثم مصطفى كلما ابتعد عن المشاركة زاد لمعانا.
• وهذا شيء لا يحدث إلا لهيثم مصطفى.
• المبادرة الرئاسية حلت مشكلة هيثم مصطفى مع مجلس الادارة ..وجاء جمهور الهلال ليفرض مشاركة هيثم مصطفى في مباراة الهلال والخرطوم الوطني.
• يعني حلّوا المشكلة (رئاسيا) أي بقرار (جمهوري)...وشارك هيثم مصطفى في المباراة بقرار (جماهيري)..اي بقرار من مدرجات الهلال.
• اذن هذا تاريخا فريدا لهيثم مصطفى ..واعتقد ان مؤرخ الهلال الكبير علي الفكي وجد في هذا اللاعب تاريخا ناصعا ومثير ..يصعب ان يتكرر في ميادين كورة القدم بصورة عامة.
• نعود الي المباراة التى احزنتنا ..حينما كان (الحزن) هو العلاج.
• وتعادلنا ..حينما كنا نحتاج الي تعادل كي نصحى.
• التعادل الذي خرج به الهلال امس امام الخرطوم الوطني ...هو تعادل يحتاجه الهلال في هذا الوقت بشدة.
• هذا التعادل دق ناقوس الخطر ..وان تعامل الجهاز الفني للهلال مع المباريات المقبلة بهذه الصورة التى يتعامل بها الهلال مع مباريات الدوري
فان الدوري الممتاز يمكن ان يذهب الي اهلي شندي.• طبعا المريخ بي حالتو دي مستحيل يفوز بالممتاز.
• لذلك نقول اذا فقد الهلال الممتاز ..يمكن ان يفوز به اهلي شندي الذي فاز امس على نيل الحصاحيصا في الكاملين.
• واضح ان غارزيتو اصبح يتعامل مع الدوري الممتاز بصورة استعلائية ..وضحت حتى في استهتار لاعبي الهلال.
• لقد انعكس استعلاء غارزيتو على الدوري الممتاز على لاعبي الهلال الذين لعبوا باستهتار في المباريات الاخيرة للممتاز.
• غارزيتو عليه ان يعرف اهمية الممتاز ..وعليه ان يعرف ان الهلال مقبل في المباريات القادمة لمباريات غاية في الصعوبة.
• من اجل ان يثبت غارزيتو عدم جاهزية هيثم مصطفى ..كاد ان يفقدنا 3 نقاط ..وهو الان افقدنا نقطتين كانن في متناول اليد.
• نعم ان هذا التعادل يسأل منه الجهاز الفني للهلال.
• الاسوأ من ذلك ان مدرب الهلال حمد كمال ..اختلف مع سيف الدين مساوي ورفض الاشراف على الشوط الثاني للمباراة..وكذلك رفع غارزيتو يده من الشوط الثاني للمباراة بسبب اصرار الجماهير على اشراك هيثم مصطفى.
• هذه النقطة تحسب على غارزيتو ..ويجب ان يحاسب عليها ..كيف يقبل ان تفرض الجماهير لاعبا عليه ..هذا مع قناعتنا بقناعة الجماهير وجدوي مشاركته ..لكن تراجع غارزيتو عن استبدال هيثم مصطفى الذي كان نجما للمباراة نقطة تسحب علي مدرب الهلال الفرنسي غارزيتو.
• ونخشي هنا ان يكون الحديث عن شخصية غارزيتو وقوة طرحه (كلام جرايد)
..لأن تراجع المدرب عن استبدال لاعب بسبب الضغط الجماهيري يؤكد ضعف المدرب.
• الاخطر من ذلك ان لاعبي الهلال رفضو الانصياع لاومر غارزيتو بعد انتهاء
المباراة ..وهذا ايضا شيئا خطيرا ..يجب ان يعاقب عليه المجلس لاعبي الهلال ان تساهل فيه غارزيتو.
• لو ثبت ضعف المدرب فان ذلك يثبت ان هناك سيطرة تامة على المدرب من قبل دائرة الكورة ومجلس الادارة.
• نتمنى ان يكون غارزيتو تراجع عن استبدال هيثم مصطفى لاسباب اخرى يراها وحده ..وليس بسبب الضغط الجماهيري او بسبب مساوي او أي لاعب اخر في الهلال.
• اما عدم اشراف حمد كمال وغارزيتو على الشوط الثاني فان ذلك امر يستوجب المحاسبة الغليظة ..كيف يرفع الجهاز الفني يده من المباراة ..وهو الذي وضع الخطة والتشكيلة الغريبة التى شاركت في المباراة.
• الامر الاخطر من هذا ان الهلال ظل يعاني من دفاعه ..منذ بداية الموسم ...ومازالت شباك الهلال تستقبل اهداف مكررة ومعادة ...دون ان يجد ذلك معالجة او مراجعة من الجهاز الفني للهلال.
• هل فشل غارزيتو في ان يضع حلا لدفاع الهلال؟.
• لا يعقل ان يكون دفاع الهلال بهذا الضعف ..ان دفاع الهلال يلعب بمستوى فريق في الدرجة الثانية.
• وذلك امر يسأل منه المدرب والجهاز الفني للهلال ...لأن خامة اللاعبين
الموجودين في دفاع الهلال خامة طيبة ..ويمكن لي أي مدرب درجة ثانية ان يصنع منهم قوة دفاعية غير قابلة للانكسار.
• على المستوي الشخصي ..مازلت اري ان غارزيتو من افضل المدربين الذين تولوا تدريب الهلال.
• ومازال رهاننا على غارزيتو باقيا رغم الانتقادات التى نوجهه له من حين لاخر ..(يبقى تقديرنا لامكانيات غارزيتو في محلها).
• هذه الخلافات والصراعات الادراية لن تنقص من قدر غارزيتو شيئا ..وان
كان لنا في نفس الوقت ان ننتقده حول بعض الاشياء التى (تفقع المرارة).
• واحسب ان غارزيتو ضحية صراعات ادراية ودائرة كورة ( وفي قرارة نفسي ما
عندو ذنب) ..وان كان هو الذي سوف يدفع الثمن اخيرا ان ظل على هذه الصورة
مع قايد الهلال هيثم مصطفى.
• مطلوب من مجلس ادارة الهلال ان يحافظ على المدرب الفرنسي ..وذلك بحل
الاشكاليات الواقعة بينه وبين قايد الهلال.
• لا سيما وان هذه الاشكاليات اورثها المجلس للمدرب وهو لغنها لها ..ذلك
يجب ان يعدل مجلس الهلال صورة هيثم مصطفى عند غارزيتو.
• الغريب في الامر ان مجلس ادارة نادي الهلال وعبر المبادرة الرئاسية حل
اشكاليته مع هيثم مصطفى بعد ان كادت ان تنسف المجلس.
• لذلك نرى ان يحل المجلس مشكلة غارزيتو مع هيثم مصطفى ..مثلما حلوا
مشكلتهم معه ..حتى لا يضيع غارزيتو في هذه الاوضاع ..ونفقد بسوء الادارة
مدربا كبيرا.
• ان تحرك المجلس وحل الاشكالية تلك فان صورة غارزيتو سوف تتعدل عند
الجماهير ...التى نطالبها باحترام هذا المدرب ..وتقديره حتى لا نفقده.
• غارزيتو مدرب لا غبار عليه ..فقط هناك ملاحظات حوله ...واظن ان أي مدرب
ناجح يمكن ان تكون فيه تلك الملاحظات.
• دائرة الكورة ومجلس الادارة عليه معالجة هذه الملحظات ..لأن الاخطاء
التى يقع فيها غارزيتو هي اخطاء دائرة الكورة واخطاء مجلس الادارة.
• لكننا للاسف الشديد ..نحمل غارزيتو كل الاخطاء ..ونقسي عليه احيانا.
• وصيتي لجماهير الهلال ان يحافظوا على هذا المدرب ..كذلك اوصي لاعبي
الهلال ان يحترموا ويقدروا غارزيتو.
• واخص هيثم مصطفى ان يقرب اكثر للمدرب الفرنسي ..وان يعمل من اجل مسح
الصورة التى يحملها غارزيتو عنه.
• سوف يأتي اليوم الذي تصبح فيه العلاقة بين غارزيتو وهيثم مصطفى (سمنة
على عسل)..وهنا اطالب مرة ثانية ان يقترب اكثر هيثم مصطفى من مدربه.
• غارزيتو فقط يحتاج الي ان يعدل الصورة التى يحملها عن هيثم مصطفى
..واحسب ان ذلك الامر مسؤولية هيثم مصطفى ...وهيثم يعرف بقدراته وخبراته
الكبيرة وفطنته ان يكسب غارزيتو.
• اتمنى ان يكون هيثم مصطفى في هذه الايام قريبا من غارزيتو ..لأن الاخير
في ازمة حقيقية ..بدأ غارزيتو يفقد السطيرة على لاعبي الهلال ..وفلتت منه
المدرجات.
• ولا نريد ذلك لمدرب الهلال ..لا نحب ان نراه في هذه الصورة.
• اننا رفضنا يوما الصورة التى وضع فيها قايد الهلال هيثم مصطفى ..ونرفض
اليوم كذلك الصورة التى يضع فيها غارزيتو.
• على مجلس ادارة نادي الهلال اولا الحفاظ على هذا المدرب ..وعلى المجلس
حل كل اشكالياته.
• على لاعبي الهلال ان يكونوا اقرب لمدربهم وان يلتزموا بكل توجيهاته.
• اما جماهير الهلال فهي فرضا عليها احترامه ..وتقديره.
• اننا الان في خواتيم الموسم ...نحتاج الي تماسك اكبر ..ولا بد من
(محبة) اعظم تجمع الاسرة الهلالية كلها على قلب رجل واحد.
• الاوضاع التى نشهدها في الهلال اخيرا يمكن ان تكون سببا في ان نفقد كل
البطولات التى يقبض الهلال عليها الان بيد من حديد.
• مع هذا اعود واقول ..ان الهلال يعرف يتعامل في كل الظروف ..وهو لا خوف
عليه ..هلالنا قادر على الوقف والثبات.
• وحده يجابه الريح.
• ووحده يمضي بعيدا في ظل هذه الظروف الصعبة ..غير مبال بالصعاب والاهوال والاشواك.
• ان كل اشكالية نخرج منها ...نطلع منها اكثر قوة.
• نحن الان بالنتائج والوقائع ..الافضل على الاطلاق ..والاقوى.
• ملحوظة : مباراة الامل على الابواب ..اربطوا الاحزمة.
هوامش
• الناس قالوا بعد هدف بشه في الدوري الاولي للممتاز ...لقوا موسي الزومة
قاعد يغني في ركن ( واغالط نفسي بي اصرار واقول يمكن انا الما جيت).
• طبعا موسي الزومة شاف الهدف في التلفزيون ..ما صدق.
• معقولة دا انا.
• زولكم طوالي دخل غرفتو وقفلها عليه وقعد يغني في (واغالط نفسي بي اصرار
واقول يمكن انا الما جيت).
• قالوا شك في نفسو ..دا انا وإلا ما انا.
• زولكم اتوهم عديل كدا.
• عشان كدا ...من المباراة ديك تاني ما شفنا موسي الزومة مع المريخ.
• ريكاردو قنع من موسي الزومة ...ظاهر وباطن.
• اها هسع بنفس التفاصيل الموضوع حصل على ضفر.
• قالوا بعد هدف سانيه ...الحضري قعد يتحدث مع (ضفر).
• وضفر قعد يغالط في نفسو بي اصرار ..ويقول يمكن انا الما جيت.
• انت يا الحضري ..قاعد تتفرج في شنو؟.
• يعاين في الكورة ..تقول (بطيخة).
• ما اشتغل بيها الشغلة.
• غايتو هدف سانيه دا ..لو شالوا من عينه مصر ..تاني ما بتلعب في المنتخب.
• والله انت السليني ما خاطي عليك.
• المباراة كلها قاعد تطط فينا.
• تقول محمود المليجي.
• محمود المليجي هسع ذنبو شنو.
• زولكم قاعد ينطط حتى الدقيقة 85.
• الدقيقة 85 سانيه حسم ليكم المباراة بي فد عين.
• عين واحدة بس.
• عارفين سانيه سجل الهدف في الزاوية اليسار للحضري ليه.
• عشان سانيه انضرب في عينو اليسار.
• في الزاوية الضيقة.
• الهلال في المباريات الاخيرة اصبح يتعرض لاعبيه لاصابات عديدة.
• الحاصل شنو؟.
• وين الجهاز الطبي للهلال.
• معقولة نفقد سادومبا في (التسخينة).
• ليه؟.
• هو قاعد يسخن في (افغانستان) وإلا شنو؟.
• انت يا سادومبا بتسخن في فرن.
• عمر بخيت فقدناه في التمرين ..وهذا شيء يسأل منه الجهاز الفني للهلال
مدرب اللياقة تحديدا.
• في التسخينة فقدنا سادومبا ...في التمرين فقدنا عمر بخيت ..وفي مباراة
المريخ فقدنا سانيه ..وفي مباراة الخرطوم فقدنا نزار حامد.
• والله يجيب العواقب سليمة.
• المباريات القادمة ..ما بتستحمل أي حالة فقدان.
• كثفوا العلاج للمصابين.
• لعنة هيثم مصطفى بعد ان اصابة ابوتريكة (الخلوق) الذي اوقفه الجهاز
الفني للمريخ ..حلت لعنة البرنس على كرستنال رونالدو الذي دخل في حالة من
الحزن.
• رونالدو قال انا حزين.
• بلان رونالدو دخل في خلاف مع حارس وقايد ريال مدريد كسياس بسبب ان
خطيبة الاخيرة بتذيع اخبار الريال السرية.
• وذهبت لعنة هيثم مصطفى ابعد من ذلك ...بعد ان لمت في ميسي لاعب برشلونة
الذي ظهر (متشنجا) ومتعصبا مع مهاجم البرسا فيا.
• ميسي انفعل ..وغضب.
• الموضوع عادي يعني ..ما فيه أي حاجة.
• مباراة هلال كادوقلي والمريخ يمكن تتلعب في الموسم القادم.
• كل ما تجي المباراة دي يأجلوه.
• انتوا خايفين ليه يا ناس المريخ؟.
• الخريف ذاتو انتهى.
• الاهلي شندي قبض على ثالث الممتاز بيد من حديد.
• ناس شندي ما بيلعبوا.
• أي فريق غير الهلال والمريخ كان بشارك خارجيا ..كان بدهور في الدوري المحلي.
• إلا الاهلي ..ماشي لي قدام ..برة وجوة.
• بس تبقى مشكلة الاهلي شندي انه بخسر بسهولة امام المريخ.
• نحن في انتظار ان يرد الاهلي سطوته على المريخ وذلك بكسب الشكوى.
• عاجل : ريكاردو اتعلم حركات الفاتح النقر ..بقى لو كان لاعب مع
العباسية بهاجم الحكام.

الهلال لعب بثقة زائدة والوطني تعامل مع المباراة بجدية واصرار

    عبده فزع يشخص حال الهلال في لقاء الخرطوم

عدم ثبات التشكيل يفقد الازرق الانسجام والتفاهم
غارزيتو مطالب باعادة النظر في خططه وعلاج ثغرات الوسط والدفاع
نعود مرة اخري للقاء الهلال مع الخرطوم الوطني في الجولة 21 للدوري الممتاز ففي مفاجأة لم تكن متوقعة تعادل الهلال امام الخرطوم الوطني ايجابيا 2/2 في المباراة التي اقيمت بينهما مساء امس الاول بملعب استاد الهلال واستحق الخرطوم التعادل بعد ان تعامل مع المباراة بجدية واصرار وسقط الهلال الكونفدرالي في عدة اخطاء فنية قاتلة حيث اصر الفرنسي غارزيتو علي الدفع بتشكيل جديد كعادته في المباراة والمعروف في علم كرة القدم ان كثرة التغييرات في التشكيل من مباراة لاخري يفقد اي فريق التجانس والانسجام.
الاخطاء الدفاعية في الهلال
وظهرت في دفاع الهلال عدة اخطاء دفاعية حيث ظلت تتكرر باستمرار والتي لم يفعل لها غارزيتو شيئا والسبب واضح بجلاء وهي الطريقة التي يلعب بها الفريق واستطاع الخرطوم الوطني مبادلة الهلال السيطرة علي وسط الملعب
انذار للهلال
اداء الهلال ونتيجته امام الخرطوم الوطني لعلها تكون انذارا لجميع اللاعبين والجهاز الفني لاعلان حالة الطواريء خلال المباريات المقبلة امام الامل العطبراوي في الممتاز واهلي شندي في الكونفدرالية حيث لا يزال الهلال يحتل صدارة بطولة الممتاز برصيد 57 نقطة كما يحتل المركز الثاني في المجموعة الاولي للكونفدرالية برصيد سبع نقاط.
اعادة النظر في الخطط
والمؤكد ان غارزيتو والجهاز الفني سيعيدان النظر في كافة الخطط الموضوعة للمباريات المقبلة وكذلك محاولة علاج الثغرات الواضحة في خطي الوسط والظهر وبالمناسبة ان خط دفاع الهلال كان مستواه في غالبية المباريات الاسوأ قياسا ببقية الخطوط
ما حدث درس
ما حدث للهلال امام الخرطوم الوطني سيكون درسا قاسيا للهلال لانه تعامل مع المباراة بسهولة وواضح انه لم يحترم خصمه جيدا ولعب بثقة زائدة من حسم الفوز ووضح ذلك علي جميع اللاعبين وحتي جماهيره التي تدافعت بكثافة لمساندتهم وظلت بالاستاد بعد انتهاء المباراة غير مصدقة التعادل ولكن لابد من وقفة حتي يحافظ الهلال علي شكله ووضعه في بطولتي الممتاز والكونفدرالية.
نقاط فنية من المباراة
الجهاز الفني للهلال مطالب باغلاق ملف الخرطوم الوطني وفتح الملفات التي تشغل باله وبال اللاعبين ورفع درجة الاستعداد القصوي لمباراتي الامل العطبراوي والاهلي شندي مع التركيز علي النواحي النفسية ورفع الروح المعنوية لدي اللاعبين للخروج من حالة التعادل مع الخرطوم الوطني
الامل كمين جديد للهلال
مباراة الهلال المقبلة مع الامل العطبراوي بارضه مباراة قوية وصعبة خاصة ان الامل يسير بخطي ثابتة منذ عدة اسابيع ومن المؤكد ان نتيجة المباراة ستلعب دورا مؤثرا في استعداد الازرق فنيا ومعنويا للقاء اهلي شندي في الكونفدرالية
البرنس انقذ الهلال
الله عليك يا برنس يا فنان بالرغم مما حدث معك منذ بداية هذا الموسم فستظل دائما انت المنقذ للهلال باعتبارك افضل صانع العاب ماهر ويكفي صناعتك لهدفي فريقك في شباك الخرطوم الوطني باقتدار بجانب صناعتك لعدة فرص لم تستغل من زملائك واعتقد ان غارزيتو المدير الفني للهلال عليه ان يعطي دفعة قوية للبرنس في المباريات المقبلة والا يركنه مرة ثانية في الدكة.
الهلال وكيفية استغلال الفرص الثمينة
الجهاز الفني للهلال بقيادة الفرنسي غارزيتو مطالب بضرورة التركيز علي النواحي الهجومية اكثر وكيفية استغلال الفرص الثمينة امام مرمي المنافسين.
روح الفانلة الزرقاء
لاعبو الهلال يحتاجون الي التعامل بهدوء في المرحلة الحالية والحديث عن روح الفانلة الزرقاء.
خسارة نقطتين مهمتين
الهلال خسر نقطتين مهمتين في طريق التمسك بصدارته لبطولة الدوري الممتاز.
التمريرات الخاطئة والتعادل
التمريرات الخاطئة الكثيرة من عدد كبير من لاعبي الهلال في مباراة الخرطوم الوطني كان لها دور كبير في خروج المباراة تعادلية.

قوون

ليس كل مرة تسلم الجرة يا غارزيتو

      

غياب مساوي سيزيد متاعب الدفاع الازرق امام الفهود
فرمل فريق الخرطوم الوطني فريق الهلال الساعي لاسترداد صدارة الممتاز هذا الموسم بعد ان فقدها الموسم الماضي بعد ان فرض عليه التعادل بملعبه بهدفين لكل منهما حيث احرز للهلال مهند الطاهر وبكري المدينة وللخرطوم نصر الدين جوجو وعنكبة ليرتفع الازرق بنقاطه الى 57 نقطة والاول لـ29 نقطة.في الشوط الاول تقدم الخرطوم الوطني على الهلال بهدف جوجو الرأسي في غياب التغطية والرقابة الدفاعية وعدم محاولات الحارس جمعة لصدها بعد ان فرض اولاد الخرطوم اسلوبهم طوال الحصة الاولى للمباراة بعد ان كثف الجهاز الفني للخرطوم منطقة المناورة بعدد مقدر من اللاعبين الذين احسنوا الضغط على لاعبي الهلال وافقدهم الكثير من تركيزهم وقد ظهر الازرق في هذا الشوط بدفاع مهزوز ووسط تائه وهجوم منعزل وقد حاول قائد الفريق هيثم مصطفى تغذية مهاجميه بالعديد من الكرات المحسنة التي اهدرت بالشفقة والتسرع واكثر ما حد من خطورة البرنس هيثم مصطفى جنوحه للناحية اليسرى بشكل واضح وقد تحرك بجانبه الثنائي خليفة احمد وعلاء الدين يوسف رغم الغياب الطويل وقد ظهر الارتباك وعدم التركيز على عدد كبير من لاعبي الازرق وقد حاول مدافع الفريق سيف مساوي الحد من خطورة الخطير مساوي بالاداء القوي الذي كلفه البطاقة الصفراء الثانية التي ستحرمه من المشاركة امام الامل بالجمعة وبسبب البطاقة الصفراء في الحصة الاولي حرص مساوي على الاداء بحذر حتى لا ينال البطاقة الثانية ورغم ذلك قدم مباراة جيدة وصنع اكثر من هجمة هلالية من الخلف.
غياب مساوي يزيد معاناة الدفاع:
ستزداد معاناة الدفاع الهلالي صعوبة في مباراة الفريق القادمة امام الامل لغياب الجسور سيف مساوي وسيفتقد الازرق جهوده الكبيرة لخبرته الميدانية الثرة والدفاعات المعنويات التي يكتسبها زميله في الخط الخلفي الهلالي كلاعب مؤثر ولاعب منتخب يملك الكثير من اسرار المناطق الدفاعية.
استعجال الجهاز الفني كاد يضر بالهلال:
استعجل الجهاز الفني للهلال وهو يجري ثلاثة تبديلات دفعة واحدة في بداية انطلاقة الشوط الثاني باقحام الثلاثي نزار حامد ومهند الطاهر ومدثر كاريكا وخروج علاء الدين يوسف وخليفة ومحمد احمد وقد تسبب نفاذ التبديل في تراخي عدد من اللاعبين ابرزهم معاوية فداسي وثنائي المقدمة الهجومية بكري المدينة والطاهر حماد فوجود لاعبين بدكة البدلاء كان سيعطي اللاعبين داخل الملعب حماسا للاداء بقوة والسؤال الذي يفرض نفسه كيف كان سيكون الحال لو اصيب حارس المرمى؟ والشئ المحير كيف لا يحتفظ الجهاز الفني بمدافع خاصة وان اللاعب عبد اللطيف بوي بعنفوانه وقوة ادائه كان سيحد كثيرا من خطورة الخطير عنكبة في ظل تراخي وتهاون معاوية فداسي الذي في حاجة لمراجعة حساباته.
البرنس ابدع:
ابدع قائد الفريق هيثم مصطفى في تغذية مهاجمي الفريق باسهل الفرص التي كانت كفيلة بان يحقق بها الازرق فوزاً عريضاً ولكن الاجمل عودة البرنس للتشكيلة واقناع الجهاز الفني والجماهير بحتمية وجوده كلاعب كبير ومؤثر لا غنى عنه.
غارزيتو واصل المغامرة:
واصل الجهاز الفني للهلال بقيادة الفرنسي غارزيتو مغامراته التي بدأها امام الموردة بتشكيلة يغلب على قوامها اللاعبون الذين لا يشاركون باستمرار الشئ الذي كان سيفقد الازرق نقاط الموردة ليأتي ويمارس نفس المغامرة امام فريق الخرطوم صاحب الدوافع القوية للظهور مجدداً في الواجهة لتمثيل السودان خارجياً ويواصل الفرنسى بالاداء بطريقته الدفاعية بالأداء بثلاثة مدافعين فقط والتي وجدت انتقادات عنيفة من جميع المراقبين والمتابعين ولكن لم تكن هناك آذان صاغية في الجهاز الفني ولا تنبيهات من جهاز الكرة ليفرض اولاد الخرطوم كلمتهم ويقولون بالصوت العالي ليس كل مرة تسلم الجرة يا غارزيتو فهل يعي الجهاز الفني للازرق الدرس باحترام المرحلة وخواتيم الممتاز ام يستمر في عناده ليدفع الهلال ثمن المغامرات والمكابرة غاليا بتضييع استرداد لقب الممتاز الذي يحتاج من الاهلة التعامل بواقعية واحترافية لجني الثمار التي حان قطافها.
خليفة لا يستحق التغيير:
تحرك لاعب الهلال العائد بقوة خليفة احمد كثيرا في شوط المباراة الاول بجانب البرنس هيثم مصطفى وعلاء الدين يوسف ليصدر الجهاز الفني قرارا غريبا باستبدال ثلاثتهم ولكن القائد هيثم مصطفى عاد بامر الجماهير.
ابوعبيدة درس الهلال جيداً:
قال المدير الفني لنادي الخرطوم الوطني ابوعبيدة سليمان الذي تفوق في شوط المدربين انه درس الهلال جيداً خاصة اسلوب مديره الفني الفرنسي غارزيتو الذي اشار الى انه تابعه منذ توليه لزمام الامور الفنية في دورة سيكافا مع مازيمبي وذلك باعتماده المفرط بالجوانب الهجومية مع الاداء بثلاثة مدافعين فقط في جميع مبارياته مع الاختلاف انه في مازيمبي كان يؤدي بعمقي دفاع وابان ابوعبيدة انه درس فكر الفرنسي لذا كثف لاعبي خط وسط فريقه في منطقة المناورة مع الحد من خطورة مهاجمي الازرق بالرقابة والضغط بمهاجميه لزعزعة دفاع الهلال واشاد ابوعبيدة بمجلس ادارة الفريق الذي وفر كل معينات النجاح واللاعبين الذين نفذوا ما طلب منهم بدقة خاصة المهاجم عنكبة وحيا ابوعبيدة مجهودات الثلاثي الفاتح النقر واحمد ساري واحمد عبد الله الذي قال انهم كانت لهم بصمات افادته كثيراً.
اكانقا والاداء بتهور واهمال:
اضحى محترف الهلال الغيني اكانقا زبونا دائماً للبطاقات الصفراء بالاداء بتهور واهمال الذي سيكلفه والمجموعة الكثير والامر في حاجة لتحذيرات من دائرة الكرة خاصة وان المرحلة تتطلب تواجد جميع اللاعبين لمشاركة الفريق في ثلاث منافسات مختلفة والمطلوب ايضاً من اكانقا الارتقاء بمستواه الفني خاصة بعد ان ظل اداؤه مائلاً في الانخفاض منذ ان قدم من قضاء مهمته الوطنية مع منتخب بلاده امام الكنغو في التصفيات الافريقية المؤهلة لنهائيات الأمم القادمة بجنوب افريقيا.

قوون

اصابة نزار طفيفة وسادومبا اقترب من العودة والمعلم لن يشارك امام الامل

      

قال الدكتور عباس عبد الكريم رئيس الجهاز الطبي بنادي الهلال ان الفحوصات الطبية التي اجريت للاعب الفريق نزار حامد بمستشفى ساهرون اثبتت سلامة قدمه تمام وهو لا يعاني من كسر ولا شق ولا تمزق فقط كدمة طفيفة وعادية وقد منح على أثرها راحة من التدريبات لمدة ثلاثة ايام يعود بعدها لمواصلة تدريباته كالمعتاد مع المجموعة واضاف الدكتور عباس ان مثل هذه الاصابات عادية وتحدث خلال ممارسة الرياضة مطمئنا القاعدة الهلالية على صحة وسلامة النجم نزار حامد.
سادومبا اقترب كثيرا من العودة:
اما بخصوص المحترف الزيمبابوي في صفوف الهلال ادوارد سادومبا فقال الدكتور عباس انه قد اقترب كثيراً من العودة للتدريبات بعد ان خضع الى علاج مكثف وراحة جراء الشد العضلي الذي اصيب به اثناء اجرائه عملية الاحماء التي سبقت لقاء القمة يوم الخميس الماضي.
عمر بخيت خارج حسابات لقاء الامل:
وبخصوص اللاعب عمر بخيت قال الدكتور عباس انه لن يستطيع اللحاق والمشاركة في مباراة الهلال المقبلة في الدوري الممتاز يوم الجمعة المقبل امام الامل العطبراوي.وقد كان الدكتور عباس قد اعلن ان اصابة المعلم تحتاج الى عشرة ايام للشفاء علماً بانه قد اصيب في التمرين الختامي الذي سبق لقاء القمة الماضي.الى ذلك قال الدكتور عباس ان عمر بخيت قد قطع شوطاً بعيداً في الجلسات العلاجية التي يخضع لها تحت اشراف الدكتور وائل.

قوون

الهلال يتدرب مساء اليوم ويعسكر للأمل

يؤدي فريق الكرة بنادي الهلال مرانه الرئيسي في السابعة من مساء اليوم بملعبه بام درمان تأهبا لمباراة الفريق امام الامل عطبرة بعطبرة في بطولة الممتاز وسينتظم الفريق عقب المران بمعسكره بمنزل اللاعبين بالمهندسين تأهبا للمغادرة صباح غد لعطبرة.اكتفى فريق الكرة بنادي الهلال صباح امس بالسباحة بمسبح مقر وزارة الخارجية بكافوري.
تغادر بعثة الهلال صباح غد الخميس لعطبرة لمواجهة الامل في بطولة الدوري الممتاز في مباراة يتوقع لها الاثارة والتشويق لسعى الهلال لكسب النقاط في طريق استرداد الممتاز والمستوى المتطور والانتفاضة التي احدثها فهود الشمال في مباراتيهما الأخيرتين.
يعود نجم الهلال المحترف سادومبا للتدريبات اليوم باستاد الهلال وذلك بعد شفائه من الاصابة التي تعرض لها في التسخينة قبل انطلاقة مباراة القمة الاخيرة.
الهلال اجري تمارين سباحه صباح امس
اجري فريق الهلال صباح امس تمارين سباحة بملعب وزارة الخارجية وذلك بمشاركة 12 لاعبا بقيادة هيثم مصطفي والطاهر وكايا وبهاء الدين وجمعة وبكري المدينة وسانييه واكانقا والسنغاليين شارلس وعثمان ومحمد احمد ومحمد عبدالرحمن
اشبال الهلال يكسب الموردة
فاز اشبال الهلال علي اشبال الموردة 3/1 في المباراة التي جرت عصر امس باستاد الهلال ضمن مباريات دوري الشباب للاولي والممتاز بولاية الخرطوم احرز لاشبال الهلال امهر هدفين وهدف لمحمد عبد الرحمن وود الروب للموردة ويذكر ان اشبال الموردة قد فاز في الدورة الاولي علي اشبال الهلال.

قوون

اعادة قيد سادومبا والمعلم فرض عين

حسناً فعل مجلس ادارة نادي الهلال وهو يجلس للمدير الفني لفريق الكرة ديجو غارزيتو عقب لقاء امس الاول الذي جمع الهلال بفرقة الخرطوم الوطني لمناقشته حول اداء الفريق وتفريطه في نقطتين غاليتين في بطولة الدوري الممتاز .. اقول حسناً فعل مجلس ادارة نادي الهلال ذلك حتى لا يعتقد هذا المدرب انه اكبر من المساءلة والمحاسبة فقد كان واضحاً لكل ذي عقل وبصيرة ان غارزيتو لم يحترم منافسه بدليل العناصر التي بدأ بها المباراة واحتفاظه بالثلاثي الأكثر جاهزية مهند الطاهر ، مدثر الطيب كاريكا ونزار حامد الى جانبه في دكة البدلاء ليضطر لاشراكهم دفعة واحدة مع بداية شوط اللعب الثاني ويفقد بذلك فرصة التبديل حتى نهاية المباراة والحمد لله لم يتعرض احد اللاعبين الى اصابة تحرمه من مواصلة المباراة والا لكان الهلال قد تعرض لموقف محرج وعلى مجلس ادارة نادي الهلال المواصلة على هذا النهج بل الذهاب اكثر من ذلك حتى يفعل سياسة الثواب والعقاب لان الهلال ناد كبير وكيان عريق تدين له بالعشق والولاء الملايين وتراقب وتتسقط اخباره وكالات الانباء العالمية وللهلال ايضاً ارقام قياسية يود المحافظة عليها لذلك فان الاستهتار مرفوض مرفوض.
الجلوس مع الثنائي سادومبا والمعلم:
كما انه يتوجب على مجلس ادارة نادي الهلال الجلوس مع الثنائي المبدع ادوارد سادومبا والمعلم عمر بخيت والاتفاق الكامل معهما على تجديد قيدهما لفترة اخرى لأن الازرق يحتاجهما ايما حاجة فهذا الثنائي وبالخبرات والمهارات التي يمتلكها يمثل جزءاً اصيلاً مع العمود الفقري للفرقة الهلالية والتي لن يقبل شعب الهلال بالتفريط فيهما او في احدهما.
والجماهير الهلالية او بالاحري الجمعية العمومية التي انحازت للسيد الامين البرير في الانتخابات الماضية ومنحته اصواتها ليجلس على سدة الحكم في النادي الازرق لن ترضى بالتفريط في درر الهلال اللوامع والتي ترعرعت وشبت عن الطوق في كنف الهلال واهمس في اذن السيد الامين البرير ان الجماهير الهلالية ظلت تتوقع هذا القرار من مجلسكم منذ بداية النصف الثاني للموسم الحالي .. جماهير الهلال تتعشم في حسم مجلسكم لهذا الملف قبل الدخول في المربع الذهبي لبطولة الكونفدرالية الافريقية لان هذا يسهم بقدر كبير في الاستقرار النفسي لهذين النجمين وبالتالي استقرار البيت الهلالي الذي بدأت تدب في اوصاله العافية بعد عودة قائد الفرقة هيثم مصطفى للمشاركة مع زملائه في المباريات وتألقه اللافت امام الخرطوم الوطني على الرغم من الوقفة الطويلة والابتعاد عن حساسية المباريات مما يعطي الجماهير مؤشرات بالاستقرار وبالتالي ترتفع سقوفات طموحاتها ..
الهلال سادتي بالف خير وهو قادر باذن الله على سد الثغرات والظهور بشكل مشرف في دوري مجموعات الكونفدرالية والتوشح بذهبها.

قوون

غارزيتو يهدد بالرحيل من الهلال

في اجتماع مغلق استمر لاكثر من ثلاث ساعات:
البرير وغارزيتو يتوصلان لنتائج ايجابية حول القضايا الهلالية
تفيد متابعات قوون بان السيد الامين البرير رئيس نادي الهلال قد عقد اجتماعا مغلقا مع الفرنسي غارزيتو المدير الفني للفريق بمكتبه استمر لاكثر من ثلاث ساعات.
واستعرض الاجتماع جملة من الموضوعات التي تهم الهلال في المرحلة المقبلة وعلمت قوون من مصادرها الموثوقة بان الفرنسي غارزيتو قد ابدي استيائه من الهتافات العدائية المتكررة ضده من جماهير الفريق خلال الفترة الماضية رغم النتائج الايجابية بالدوري الممتاز والكونفدرالية واوضح غارزيتو ان استهداف الجماهير قد طال اللاعبين كذلك مما يعتبر ذلك امرا في غاية الخطورة.
وتطرق غارزيتو في اجتماعه مع رئيس الهلال للتدخلات الادارية في شئونه الفنية واكد انه يرفض هذا الجانب رفضا باتا ولا يتهاون فيه وهدد الفرنسي بالرحيل اذا لم تنصلح الاحوال في الهلال ونفي استهدافه لاي لاعب وقال ان سياسة الانضباط والمواظبة علي التدريبات هي معايير التمييز بين اللاعبين وعلمت قوون بان الاجتماع قد اسفر عن نتائج ايجابية مرضية للطرفين ابرزها قناعة غارزيتو بمواصلة مهامه وفق صلاحيات فنية واسعة وحرية كاملة لاهمية المرحلة التي يمر بها الفريق التي لا تتطلب مزيدا من الازمات.
من ناحية اخري سيشرف غارزيتو علي مران الفريق الذي يجريه اليوم في اطار الاستعدادات لملاقاة فهود الشمال.

قوون

سانييه السنغالي الخطير سجل هدفا على طريقة نجوم الكرة العالمية

لقاء كل يوم - رمضان أحمد السيد                                                            

سانييه سجل التعادل للهلال بعين واحدة ..!!
الحضري ينقذ المريخ من هزيمة تاريخية امام الهلال
صواريخ مهند الطاهر أثارت الرعب في المدرجات الجنوبية واشعلت ثورة الحجارة
الازرق حافظ علي سجله خاليا من الهزائم وعزز الصدارة
حماد مكانه التشكيلة الاساسية .. وجينارو انضم لقائمة الكبار بجدارة
> رفض الهلال الخسارة في مباراته امس امام المريخ ضمن الجولة العشرين لبطولة سوداني للدوري الممتاز وانهي المباراة بالتعادل الايجابي بهدف لكل فريق بعد ما كان صاحب الارض متقدما حتي الدقيقة 86 من عمر المباراة ..
> وعلي النقيض مما كان متوقعا تفوقت دوافع المريخ ورغبته لافساد فرحة الفوز بالدوري علي الهلال وسيطر الفريق الاحمر علي مجريات الشوط الاول وتراجع الازرق للدفاع في مشهد غير مألوف علي المشاهدين في السنوات الاخيرة .. ولعبت خبرة لاعبي الهلال دورا مؤثرا في التصدي لهجمات منافسهم وتألق الحارس جمعة وتصدي للعديد من الهجمات ببراعة يحسد عليها ..
> لعب الهلال في شوط المباراة الاول ودفاعه مكشوف واطرافه مقصوصة واستفاد المريخ من هذا الوضع وهاجم من طرف الملعب واخترق المدافعين وسجل هدفا .. صورة بالكربون من هدف الترجي في مرمي الهلال الموسم الماضي .. وشبيه باهداف اخرى ولجت الشباك بنفس الطريقة ...!
> لم يبدأ الهلال المباراة بالطريقة الصحيحة ووقع في العديد من الاخطاء قي التغطية والتمرير قبل ان يدخل اجواء اللعب في الجزء الثاني من شوط المباراة الاول .. وبالطبع فان السبب في البداية المتواضعة الجهاز الفني للفريق الذي يفترض ان يدرس الفريق المنافس جيدا ويتعامل معه بالطريقة المثالية وان يستفيد من قدرات لاعبي فريقه ويوظفها لخدمة الفريق بدلا من تشتيت الجهود والمغامرة بهذه الطريقة التي كادت تكلف الهلال الكثير والكثير جدا في شوط المباراة الاول ...
> ظهر الهلال الذي نعرفه في الشوط الثاني .. صال وجال في الملعب طولا وعرضا وسيطر علي مجريات اللعب وهدد مرمي الحارس عصام الحضري وكان بالامكان ان يسجل اهدافا بالجملة وينزل بنده التقليدي هزيمة تاريخية ..
> واذا كان المريخ قد اضاع هدفا او هدفين في الشوط الاول فان اهداف الهلال الضائعة في الشوط الثاني كانت اكثر واضعاف ما ضاع من المريخ .. !!
> لقد تصدي الفرعون المصري لتسديدات مهند الصاروخية وانقذ المريخ من اهداف محققة .. ومن حق الحضري ان يفوز بالنجومية وان يحصل علي جوائز المباراة فلولاه لما خرج المريخ بالتعادل في مباراة الامس ..
> استعاد الهلال خطورته ولونه المميز في الشوط الثاني خاصة بعد دخول الطاهر حماد الذي لمح سانييه داخل منطقة جزاء المريخ وارسل له تمريرة متقنة كانت كفيلة باعادة الامور الي نصابها الصحيح وترجمت المجهود الكبير الذي قام به افراد الفريق طوال زمن الشوط ..
> ووجود الطاهر حماد خارج تشكيلة الهلال في المباريات السابقة امر محير فعلا فهذا اللاعب يمتاز بقدرات فنية عالية وقوة بدنية هائلة ولديه الحلول لاصعب المشاكل في اهم المباريات ..
> وحماد عندما دخل هاجم بقوة وصنع مع كاريكا العاب الهلال ولولا تعثره امام منطقة الجزاء عندما وصلته تمريرة متقنة لسجل هدفا صاروخيا مثل الاهداف التي اعتاد علي تسجيلها بقميص الامل العطبراوي ..
< وحتي سانييه الذي تعامل مع التمريرة السحرية بطريقة ذكية سجل منها هدفا لا يقل روعة وجمالا عن الاهداف التي نشاهدها في الدوريات العالمية ..
> والهدف عبارة عن لوحة بديعة رسمها الهلال .. وما قبل الهدف كتب الهلال سيناريو جميل ومهد للتسجيل بجمل تكتيكية وتابلوهات وتمريرات بين اللاعبين ..
> كان من الممكن ان يسجل غزال الهلال مهند الطاهر هدفا واحدا علي الاقل من التسديدات التي اطلقها علي مرمي الحضري .. ومهند لعب بالامس مباراة كبيرة وكان واحدا من العلامات البارزة في المباراة ..
> والغزال عندما يلعب بمزاج عالي يبدع ويتألق ويقدم الدرر والروائع ،،
< وعلي نحو ما ذكرنا بالامس فان الهلال قادر علي ادراك التعادل اذا تقدم المريخ .. وان العكس صحيح .. وللمرة الثانية يتقدم المريخ علي الهلال ويفشل في المحافظة علي تقدمه .. بينما يعود الهلال ويسجل حتي ولو في الزمن الضائع ..!!
> اثبت الهلال بالامس ان الخيل الاصيلة تأتي في اللفة ويضحك كثيرا من يضحك اخيرا .. ومهما تقدم المريخ فانه لن يهزم الهلال ابدا ،،!!
> لقد ضرب سانييه بهدفه الجميل امس مجموعة من العصافير بحجر واحد .. حافظ علي سجل الهلال خاليا من الهزائم هذا الموسم حتي الان .. وعزز الصدارة المحلية بل انهي البطولة قبل نهايتها .. واصاب المريخاب الحاضرين في القلعة الحمراء بالحمي ..!!
> في ملعبه ووسط جمهوره الغفير لم يستطع المريخ الفوز علي الهلال .. وانتهت الجولة الثانية بين الزعيمين في الدوري الممتاز لصالح الهلال .. عن جدارة ..
تواصل
< يا رمضان .. الف مبروك وهدف سانييه دا يستحق ان يدرس في كلية علوم الطيران لبيان ان هناك طيرانا ارضيا لا يلتقطه رادار الحضري ...
> اخي رمضان .. حقيقة والله الهلال كان خطيرا جدا في الشوط الثاني .. شوف الحضري مرق كم كورة .. حقيقة اي مريخابي يفترض يحمد الله انو الكورة انتهت درون .. المريخ في الشوط الثاني لم يقدم اي شئ وسقط ريكاردو في شوط المدربين ..
والله انا ما لاقي مبرر لجلوس العجب في دكة البدلاء .. كان يدفع بيه بدل احمد الباشا .. (مجدي شمباتي)
< بدون ود بخيت وسيدا وديدا غصبا عنكم يا مريخاب نجوم الهلال سيد البلد دائما حضور في المواعيد علي مر الازمان .. او كما يقول رئيس رؤساء التحرير رمضان احمد السيد متعه الله بالصحة والعافية الخيل الاصيلة تأتي في اللفة الاخيرة .. احمدو الله انو كبار نجوم الهلال لم يشاركوا .. يمين كان تسمعوا سحساحة ووحواحة وعدم راحة ...
لحدي لقانا معاكم في الكونفدرالية نشوفكم بخير ..( يوسف مستكاوي)
لحن الختام
> مؤسف والله ان تتكرر مشاهد الشغب والفوضي في ملاعبنا وان يتعرض الابرياء الذين حضروا للاستمتاع بالعرض والاداء للاذي بسبب قلة منفلتة اندست وسط الجماهير ..
> والمؤسف حقا ان يتعرض مهاجم الهلال سانييه للضرب في عينه ويكمل المباراة وعينه مصابة .. والغريب ان اللاعب نفسه سجل هدف التعادل بعين مصابة واخري سليمة ..
> وكل الاسف ان تنهال الحجارة علي مرمي الهلال بهذه الطريقة من المدرجات الجنوبية للدرجة التي يهرب فيها اللاعبون خوفا من الاصابة بحجر طائش ..
< الفاضل ابو شنب ادار المباراة بشكل جيد وحاول ان يحد من خطورة الالعاب الخشنة للاعبي المريخ علي مدار الشوطين ..
< جمعة جينارو لعب مباراة كبيرة وتألق وسجل اسمه في سجلات الكبار وذكرنا بالبداية الجيدة للدعيع الذي وضعته الظروف في لقاء القمة اساسيا ونجح وسحب البساط من الجميع .. هاهو جينارو يفعلها ويضع اسمه في قائمة الكبار ..
> اهلي شندي استعاد ذاكرة الانتصارات وفاز امس علي النسور وهذه خطوة موفقة نحو التمثيل الافريقي للمرة الثانية .. وللامانة فان وجود هذا الفريق في البطولة الافريقية القادمة مهم جدا ليكتسب المزيد من الخبرات ..

اضغط (نجمة)..وشيل (النقطة) ..كلاكيت للمرة الثانية

وان طال السفر - محمد عبد الماجد                                                                           

الحضري نجم المباراة (سانيه) سلموا الجائزة في الدقيقة (83)
• مدخل اول.
• اول حاجة ..نثبت قون (سانيه).
• اشرب ليك موية ..واطلب قهوة.
• الهدف دا عاوز (يوسف شاهين).....وعمر الشريف ..وعمر الحريري...وامينة رزق.
• يا زول اقيف.
• امينة رزق ذنبها شنو هسع؟.
• امينة رزق ..مالها ومال البعملوا فيه ناس (ضفر) ديل.
• ضفر المباراة كلها يفتش في (ركبتو).
• عليكم الله في زول واعي كدا ..بفقد (ركبتو).
• ناس كاريكا ديل ..يروحوا للزول ركبتو.
• عشان كدا ..(ضفر) في المباراة دي ...اتوهم.
• كل 5 دقايق بقع.
• تقول بقرأ طب.
• يا ضفر ..انت مفروض لو وقع فيك (صاروخ) ...ما تقع.
• شنو (الحنكشة) البتعمل فيها ..في اخر عمرك دا؟.
• اها يا جماعة بعد ما تيجبوا يوسف شاهين ..وعمر الحريري وعمر الشريف
وامينة رزق ...جيبوا كمان زهرة العلا.
• غيرت رأيّ.
• انتوا مالكم.
• زهرة العلا ..دي في المشهد الاول ..ما كانت موجودة.
• لكن هنا ..عاوزين نعملها ..ضيفة شرف.
• مع ديل عاوزين لينا 5 كمبارس ( باسكال – نجم الدين – ضفر – الحضري – بلة جابر).
• عمر الحريري ..يدخل على عمر الشريف ..يقول ليه :
• اين انتم اخي العرب.
• عمر الشريف ...يقول : والله لاضربنكم حتى ..يشهد العرب والعجم بذلك.
• دا شنو (الفليم) البايخ دا.
• مشهد اول.
• التصوير الشعري للهدف.
اقول غنواتي في البلد البسير جنياتها
لي قدام
للولد البتل ضرعاتو في العرضة
ويطير في الدارة (صقرية)
ولو السمحة تلت ايد ومدت ايد
تقوم شايلاه هاشمية
يشيل شبالوا
خطفة ريد
وريدة روح
وحمرة عين ..
وايدية
• اها كلام محمد طه القدال دا ..(سانيه) ما طبقوا ليكم بالثانية.
• اقصد بالحرف.
• سانيه جيب قونو كدا ...حمرة عين ..وايديه.
• سانيه دا يا جماعة ...ناس ضفر ...ما بقدروا يمسكوه.
• الزول دا إلا تجيبوا ليه 17 عسكري.
• يثبتوه ...يكتفوه ..يعملوا ليه أي حاجة.
• عساكر شنو؟.
• سانيه دا جيبوا ليه قوات الامم المتحدة.
• برضو ما بتمسك.
• المارينز كيف؟.
• اصلهم الايامات دي رايحة ليهم (سفرة).
• عاوزين يجوا السودان بي أي سبب.
• سانيه دا ..لو شافو هدفو دا ...بقولوا (قاعدة).
• بقولوا تنظيم ارهابي.
• انت يا الحضري الظاهر عليك في الاعدادية ...ما كنت بتحضر حصة
...(الجغرافيا)...شكلك واقف غلط.
• وفي الثانوي ...واضح انك كنت بدك (الفيزياء)....عشان قاعد تعاين في
الكورة زي (الحمامة).
• شغلك دا...برجعك (الاعدادية) تاني.
• طبعا ...ما جبت ليك سيرة الجامعة.
• ولا عاوز ..اجيب ليك سيرتها.
• اعشان ...اثبت ليك حسن نية ...ندخل في نقطة تانية.
• مدخل ثاني.
• التصوير الدرامي للهداف.
• الديكور ...مجموعة من (الكراتين..وعلب الصلصة ...والقنا).
• الكراتين .....وعلب الصلصة ..عرفناها ...القنا في شنو؟.
• القنا ..بنحتاج ليه ..قدام ..انتوا مالكم بس ...نفذوا توجيهات المخرج
..(يوسف شاهين).
• ندخل في تفاصيل تانية.
• شوف (نجم الدين) واقف كيف؟..تقول عاوز يشرب....لبسوه ...عمة وطاقية
..قاعد ساكت ..تقول ماشي ليه (عقد).
• ضفر ...بتحرك ..يمسك ..(بطنو) ..يقع يقوم ..يلقى الكورة في القون.
• انت يا ضفر فاقد سوائل ...وإلا قايل نفسك لسع بتلعب في النيل الحصاحيصا.
• هوي ...المريخ دا فريق كبير.
• الحركات الكنت بتعملها في النيل لي ناس كرنقو ..ما تعملها لي ناس سانيه.
• باسكال ...يدخل شايل (الابريق) بي صبغتو دي...الكاميرا ..زوم.
• يحدث تداخل في اللقطات.
• انت يا باسكال ..ساعة الهدف كنت وين؟.
• يكون قاعد مع ناس كمال حامد في الاستديو يحلل في المباراة.
• اصلك طلعت بتاع (تحليل) ساكت.
• باسكال في المباراة ...كان زي التلميذ.
• ما ظاهر.
• نحن ما شفنا.
• غايتو كنا كل 15 دقيقة ..بنشوف لينا شعر ..مصبغ بجي فايت فينا.
• المشهد المؤثر ...(مركز الصراع)... العقدة الدرامية (عصام الحضري).
• عصام الحضري ..قاعد يعاين في الكورة.
• تقول مصور.
• يا الحضري ..شكلك كدا ..لو مشيت (الدهب)..المواضيع دي بتفتح معاك.
• اصلو قالوا انت زول قروش.
• المريخ بعد (التقشف) دا ...ما فيه حاجة.
• امشي الدهب.
• بتلقى ناس طه سليمان سبقوك.
• هسع طه سليمان ذنبو شنو؟.
• تدخل دا في دا.
• زمان ..قبل التطور دا ما يحصل.
• قبل ما يكتشفوا (التلج)...كان الزول لما يمشي يتصور ..بقولوا ليه تعال
..استلم الصورة بعد اسبوع.
• وكان في تحميض ..وجرجرة ...ومونتاج.
• حاجات كدا ..تسل الروح.
• هسع الصورة ..بتستلمها في (ثانيه).
• اقصد في (سانيه).
• ما شفتوا سانيه دا سلم الحضري ...الصور في لحظة.
• قلت ليكم الحساب بقى بـالـ (سانيه)...قعدتوا تغالطوا فيني.
• يا الحضري ...الصورة ببتسموا ليه.
• اضحك.
• فك الصرة.
• وإلا انت خايف لو فكيت الصرة ..ناس نجم الدين ديل ..صوتهم يرتفع.
• الحضري ..بعاين في الكورة.
• تقول الكورة دي ...دخلت في جمعة.
• انت يا الحضري بتلخبط وإلا شنو؟.
• الكورة تتهادل ..ونحن نغني ( هي اقدلي ..هي اقدلي ..)..والحضري بعاين.
• سانيه ...تقول (طيار حربي).
• يطير في الجو ..يلف كدا كيف ..ما عارف.
• يدخل في الغرف ..يطلع البرندة ..يقعد في الحديقة ..ويسجل قونو.
• الي الان ما في زول شاف الهدف.
• والحضري بعاين.
• اعاين ليه واضحك وامشي واجيه راجع.
• هدف سانيه دا ..في الاعادة ما واضح.
• انا اول مرة اشوف لي هدف رأسي ..بشوتو من منطقة ضربة الجزاء.
• سانيه سجل ليه ضربة جزاء بي رأسو.
• شوفوا الهدف ..وارجعوا لي.
• شو ..كو...انتر كابتر.
• الكلام دا بالهندي ...يعني يا الحضري انت كبرت.
• بقيت ما بتشوف بعد الدقيقة تمانين.
• بالروسي.
• فاتر شولدر ..كيف.
• يعني يا باسكال نحن كلمناك مية مرة ...قلنا ليك ما تصبغ لينا شعرك دا.
• انت قايلنا نحن اهلي شندي.
• نحن عندنا حساسية عديل كدا مع (الصبغة).
• قوووون ..(لملموا اللحافات ..وشوفوا ليكم شنطة حديد ...وارجعوا البلد).
• هدف سانيه دا ...زي اجازة اخر السنة في الداخلية.
• الطلاب ..يلملموا حاجاتهم من الداخلية بعد الامتحانات ويسافروا.
• عشان كدا ...يا الحضري شوف ليكم (شنطة حديد) كاربة ..ولملم شنكاراتك واتخارج.
• هدف في الدقيقة 85.
• زي اخر الحفلة.
• الناس بتبدأ ..تلقط في الكراسي.
• المريخاب خلاص بدأوا ..يحتفلوا.
• قالوا ليك مزمل ابوالقاسم ..علق صورة رمضان عجب ..في ترويسة عمودو.
• ومامون ابوشيبة ..قعد يحسب في الفرق.
• واسلام بنت سلك ..قعدت تضرب في الباسطة.
• يا سلك ..انت ما تمقلب ساكت.
• الباسطة دي ..قلنا ليك مية مرة ..ما تفتحها قبل المباراة ما تنتهي.
• ناس الهلال ديل ما مضمونين.
• والله الهلال دا عندو هجوم ..زي فريق المراجعين.
• الحسابات دي بجضمها ليكم في (سانيه).
• نص.
• في الوقت الفيه ..كان المذيع الداخلي للمباراة ..بقول ان نجم المباراة
هو عصام الحضري ...ومحمد فضل الله بعلن ذلك في التلفزيون ..(سانيه) سمع
طرف الكلام.
• سانيه ...الكلام ما عجبو.
• سانيه ..قال جيبوا لي (الجائزة) دي.
• جيبوها لي ..انا بسلمها للحضري.
• جابوا ليه (درع وموبايل).
• الدقيقة 40 من الشوط التاني ...سانيه اتقدم ..عشان شنو؟.
• عشان يسلم الحضري (الجائزة).
• الحضري افتكر الجائزة (تورتة).
• متعودة دائما.
• تورتة شنو يا ابوي ..مع ناس سانيه ديل.
• انا نفسي اعرف (سانيه)...فهم الكلام دا كيف؟.
• عرف كيف ان الحضري هو نجم المباراة...الكلمو منو؟.
• قطعتوا لينا نفسنا في (الجائزة).
• الزول دا اتعلم عربي وين؟.
• الحضري (42) سنة في الدقية (42) من الشوط التاني ...استلم الجائزة.
• جائزة اكبر لاعب في المباراة.
• قون ..واربع (عنقاريب).
• عشان تنوم على راحتك ..لقيت (الهمريب) دا ..وقعدت تجدع لي في كور مهند الطاهر.
• عامل لينا فيها شيطان.
• المباراة كلها (تتطاير) فينا زي (الحدية).
• لمن سانيه مسك ملفك.
• ضرب حسابتو..وشاف فارق السن ..وجاب قونو.
• وسلمك الجائزة في (برتكول) حربي رائع.
• قون ..واربع عنقاريب.
• هسع العناقريب دي ..دخلها شنو؟.
• الشيء الما عارفنها انتو...ان الحضري بعد قون سانيه فقد ليه 4 اسنان.
• طبعا الحضري مفكر.
• أي سن بفقدو الحضري جمال الوالي بدفع ليه مقابل السن 20 الف دولار.
• زي كنبة اكرم.
• عشان كدا ..الحضري بعد هدف ...سانيه ...قال فقد 4 اسنان ...ومليون ونص جنيه.
• اها الـ (4) اسنان ..عرفناها ...المليون ونص دي الشالها منو؟.
• حكم الراية ..كان بعيد من الحدث.
• يعني الزول الشال القروش منكم وفيكم.
• وإلا الحضري يكون عاوز كبر كومو.
• عاوز يتخن ...(التعويض).
• نحن بنعرف حركات الحضري.
• انت يا الحضري ..ما قلت عندك خبرة.
• ما قلت مفتح.
• المباراة باقى ليها 5 دقايق...كان تكتل اللعب.
• الشيء الغريب بالجد.
• سانيه ..كان لاعب المباراة بي عين واحدة.
• مع ذلك ..ناس باسكال ..ما قدروا يثبتوه.
• والله انت يا بسكال ..مفروض تشيل ليك (بطارية)..وإلا رتينة.
• معقولة ..زول لاعب بي فد عين ..يجيب فيكم قون بالشكل دا.
• ملحوظة : الحمدلله ...ما جات مطرة ..عشان ما تعملوها سبب.
هوامش
• في الممتاز ..المباراة الاولى فزنا فيها بهدف بشة.
• المباراة التانية تعادل 1-1.
• في الكونفدرالية ..ح نعكس النظرية دي.
• بدأنا بي تعادل 1-1 ...وح نختم في الكونفدرالية بانتصار ان شاءالله 1- صفر.
• شفتوا النظام دا كيف؟.
• نحن أي حاجة عندنا بي نظام.
• انتوا بتتعلموا متين؟.
• كلما يسجل المريخ ..ويتقدم على الهلال ...الهلال بعود للمباراة.
• الفاضل ابوشنب ..لو ادانا 10 دقايق بعد الهدف ...كان هسع ...مامون
ابوشيبة واسماعيل حسن في الدمازين.
• طبعا عاوزين يرجعوا البيت...لكن الدرب راح عليهم مشوا الدمازين.
• طشوا.
• كل ما تجيبوا هدف في الهلال ..الهلال برجع.
• وعندما يتقدم الهلال ..المريخ لو لعب سنة ..ما بعادل.
• الشوط التاني ..ناس المريخ دخلوا الملعب (فنايل) بس.
• ما شفنا أي حاجة.
• فريقكم دا انتوا ما نزل الملعب.
• انا عارف انو المريخ اتأخر شوية في النزول لارض الملعب ...لكن كونو
يكون ما نزل نهائي ..دي والله ما عارفها.
• غايتو الحضري نزل.
• لكن تاني ما شفنا زول.
• اتذكرت.
• شوفت فاروق جبرة ..واقف على الخط.
• انت يا سكواها ..دخلت في اخر الزمن عملت شنو؟.
• ما عارف الدخل سكواها وإلا فيصل العجب.
• سكواها ما فاضل ليه إلا يشيل ليه (ترمس).
• ما عمل أي حاجة.
• حايم ساكت.
• سكواها ..خلوه ..ما قلتوا العجب ..خطير ..وبيلعب.
• اها وين العجب.
• اختفى نهائي.
• شكلو كدا اختلف مع ريكاردو.
• التعادل مع المريخ ..افرحنا نسبة للكثير من الاسباب.
• اولا دفاع الهلال كان قاعد ساكت.
• ولولا تألق جمعة ..كان الهلال يمكن ان يخسر بعدد من الاهداف.
• تاني حاجة.
• عجبنا ليك الضغط الحصل للنجمة في الشوط التاني.
• والله جنس ضغط.
• ضغنا ..وشلنا النقطة.
• ضفر تقول في الحرب العالمية التانية.
• باسكال ..تقول واقع من طيارة.
• نجم الدين زي الزول الحايم في حوادث الخرطوم.
• الحضري ..لا عارف يضحك ولا عارف يبكي.
• انت مالك يا الحضري.
• قالوا ..قالوا عليك شقى ومجنون.
• تاني اوعك تقول مسافر.
• اوعك تقول راجع ...هدف سانيه دا على الاقل بقعدك 6 شهور.
• من الاسباب التى افرحتنا بالتعادل ايضا ..هو ان الهلال لعب المباراة في
ظروف صعبة.
• هيثم مصطفى حفظه الله ورعاه ..(ما جاهز)..حسب اعتياد غارزيتو على ذلك.
• اللاعب الذي لم يكن جاهز فعلا هو ايكانغا.
• ايكانغا ..يومين في الخرطوم ..ويومين برة السودان.
• مع ذلك اساسي في التشكيلة.
• انا ما عارف الزول دا غارزيتو بجهزوا وين؟.
• يكون بجهزوا في (المطار) مع العفش.
• علاءالدين يوسف ايضا لم يكن في الفورمة ..واشرك في اخر اجزاء المباراة.
• عمر بخيت فقدناه في ظرف حرج.
• سادومبا فقدناه في التسخينة.
• سانيه لاعب مصاب.
• جمعة مصاب.
• فييرا ما جاهز.
• بكري ما جاهز.
• خليفة ..ما جاهز ..رغم اجتهاده.
• لذلك فان التعادل يبقى مكسب كبير في ظل هذه الظروف.
• غارزيتو ..لو لم يكن محتاط بالبدائل الجيدة ..كنا ح نشرب ما نروي.
• وهذا شيء نحفظه لي غارزيتو.
• ايضا من مكاسب التعادل ..انه ابقى الفارق كما كان عليه قبل المباراة.
• يعني الممتاز دا تاني ما تفكروا فيه إلا سنة 2050.
• هسع ما عندكم طريقة.
• سانيه لاعب مصاب....بعين واحدة.
• فداسي استبدل في زمن مبكر.
• بكري المدينة ابتعد عن المشاركات ..فأثر ذلك في مستواه.
• صالح الامين ..افتقده دفاع الهلال.
• عودة صالح ضرورية.
• ايكانغا ..كلموه لو عاوز يلعب تاني ما يسافر.
• السفر ظهر في مستوى ايكانغا ..الذي كان ثغرة في وسط الهلال.
• كثير من الكور قطعت من ايكانغا ..وشكلت خطر على الهلال.
• البرنس تظل مكانته شاغرة ..انتصر الهلال او تعادل.
• مكانة البرنس ..(خالية)...رضي غارزيتو ام لم يرض.
• دفاع الهلال شكلو كدا ..ما بنستر لينا قدام.
• ريكاردو في شوط المدربين بمشي اهلو.
• جمعة ..يستحق الجنسية.
• بل يستحق منصب في القصر.
• جمعة كان فدائي رغم الاصابة .....وقام بكل واجبات الدفاع ..وقنع هجوم
المريخ من أي هدف.
• فريق المريخ ..ما يفكر تاني في الانتصار على الهلال.
• احسن ما يمكن ان تخرجوا به (التعادل).
• خليفة ..صلح الوسط ..ونزار حامد كان رائعا ..والطاهر حماد صنع الهدف.
• ناس المريخ كانوا فرحانين بقذيفة يسارية.
• الي ان شافوا قذيفة رأسية...فهموا حاجة.
• عاجل : ريكاردو عقدو قرب ينتهي مع المريخ ..ولم ينتصر على الهلال.

سانييه يسجل هدف الهلال بالرأس وبعين واحدة!!

تحامل محترف الهلال سانييه علي نفسه في مباراة القمة امس امام المريخ واكمل سانييه المباراة وهو مصاب منذ شوط اللعب الاول اثر الاحتكاك الذي حدث بينه وبين مدافع المريخ ضفر مما ادي الي اصابة سانييه في عينه وواصل اللعب وعينه مقفولة حتي الدقيقة 40 من الشوط الثاني حيث تمكن من معادلة النتيجة بهدف رأسي في شباك الحضري بعد ان كان فريقه متأخرا بهدف رمضان عجب.

قوون

سانييه أفعى سامة .. و الحضري ( شاهد ما شافش حاجة )

حقق فريق الهلال مبتغاه من مباراة القمه امام نده المريخ بعدما استطاع الوصول بالمباراه الي نقطة التعادل الأمر الذي يحافظ علي فارق النقاط بين الفريقين و يقرب الأزرق كثيرا من الحصول علي بطولة الدوري الممتاز للمرة الحادية عشرة منذ انطلاق البطوله في 1996.بدأ مدرب الهلال غارزيتو المباراة بتنظيم 4/3/3 تماما كما لعب مباراة انتركلوب الانجولي بوجود مساوي و عبداللطيف بوي في متوسط الدفاع فيما لعب فداسي و كايا علي الأطراف و لعب في خط الوسط الثلاثي نزار حامد و ايكانغا و مهند و في خط المقدمه الثلاثي بكري و سانيه وكاريكا الذي كان ينزل كثيرا للوسط , فيما لعب ريكاردو بتنظيم أكثر تحفظا وهو 4/5/1 بوجود كثافه في خط الوسط وهو الامر الذي كفل للمريخ السيطرة علي الوسط في معظم فترات الشوط الأول حتي تقدم بالهدف الأول عن طريق رمضان عجب , و بعد أن فطن غارزيتو الي سيطرة المريخ علي الوسط سحب الظهير الأيسر معاويه فداسي و دفع باللاعب خليفه ليعود الفريق الي تنظيم 3/4/3 وهو الذي ظل يلعب به الفريق طوال الموسم رغم تحفظ البعض عليه , و بعد هذا التعديل دانت السيطرة لفريق الهلال نهاية الشوط الأول و الشوط الثاني بالكامل الذي سيطر فيه الهلال طولا وعرضا مستفيدا من الحركه الايجابيه لنزار حامد و ايكانغا و كاريكا علي الجبهه اليمني للمريخ , و رغم عدم التركيز الذي بدا واضحا علي بكري ومهند في العديد من الكرات الا أن الهلال شكل ضغطا هجوميا مكثفا علي جبهة المريخ اثمر عن 8 ركنيات وتصدي المصري عصام الحضري لأكثر من كرة خطرة أبرزها رأسية بكري التي أبعدها من خط المرمي وقذيفة مهند و تسديدة من كاريكا و رأسية من سانيه .
و يبدو أن مدرب المريخ قد ظن ان المباراه تسير نحو الانتصار فدفع بنصر الدين الشغيل لمزيد من التأمين الدفاعي ليظل المريخ يلعب داخل خط ال18 الخاص به او خطة (عشرة/صفر) التي تنتهجها الفرق امام فرق امثال برشلونه الاسباني , و يتفنن مهاجمو الهلال في اضاعة الكرات و الحضري في اضاعة الوقت وهو أمر يبرع فيه كثيرا , ليدفع غارزيتو بالطاهر حماد بديلا لبكري المدينه و عندما ظن الجميع ان المريخ في طريقه لتحقيق انتصار انشقت الارض عن المهاجم السنغالي المرعب ابراهيما سانيه الذي قابل كرة معكوسة من الطاهر حماد ليسدد رأسية من الوضع الطائر سكنت شباك الحضري الذي لم يحرك ساكنا و ظل يتفرج علي الكرة وهي تعانق الشباك مثله مثل جميع المتفرجين داخل الملعب و من خلف شاشات التلفاز ليخرج الهلال بما أراده من المباراة
رغم افتقاده لاكثر من اربعة ركائز اساسية امثال المعز و عمر بخيت وسادومبا وعلاء الدين الذي شارك لبضع دقائق .. و ينكشف الحضري و يفشل في الحفاظ علي تقدم المريخ علي الهلال في المباراه الثانية علي التوالي .. و ان كان قد حاول ابعاد قذيفة سادومبا في مباراة الكونفدرالية .. فانه هذه المرة مع هدف سانيه كان شاهد ما شافش حاجة..!!

قوون

ريكاردو: كنا الافضل والاحق بالانتصار واضعنا جملة اهداف

هاجم المديرالفني للمريخ البرازيلي هيرون ريكاردو حكم مباراة فريقه امام الهلال امس التي انتهت بالتعادل الايجابي وقضى على اخر فرصة في حملة الدفاع عن لقبه واكد ريكاردو ان حكم المباراة الفاضل ابوشنب قد ادار اللقاء بطريقة غريبة بجانب مساعديه وتعمدوا ايقاف خطورة فريقه خصوصا في شوط اللعب الثاني واكد ريكاردو ان فريقه قدم اداء قويا وجادا في شوط اللعب الاول وتمكن من التقدم قبل ان يضيع لاعبوه جملة من الأهداف كانت كفيلة بحسم المباراة من شوطها الاول مؤكدا ان لاعبيه قد اضاعوا فرصة كانت كفيلة بحسم اللقاء بجانب المساعد الاول الذي نقض هدفا صحيحا لفريقه وفي شوط اللعب الثاني عمل الحكم ومساعديه على تعطيل كل هجمات فريقه باحتساب مخالفات لا وجود لها والاستجابة لتمثيل لاعبي الهلال كما عمل على الحد من خطورة مهاجميه بالمخالفات وحالات تسلل لا وجود لها.

قوون

اصابة مفاجئة تبعد سادومبا من القمة في اللحظات الاخيرة

حالت الاصابة التي تعرض لها مهاجم الهلال المحترف سادومبا داخل ملعب المباراة قبل انطلاقة المباراة بين الهلال والمريخ امس حيث تعرض اللاعب للاصابة في التسخينة مما حال دون مشاركته ودفع الجهاز الفني باللاعب بكري المدينة في اخر لحظة.

قوون

رمضان عجب يضع المريخ في المقدمة وسانييه بـ (عين واحدة) يهز شباك الحضري براسية تخصصية

تعادل الهلال والمريخ 1/1 في المباراة التي جرت مساء امس باستاد المريخ وتقاسم الفريقان شوطي المباراة حيث سيطر المريخ علي الشوط الاول واحرز هدف السبق بينما عاد الهلال في الشوط الثاني وتمكن من احراز التعادل قوون رصدت مجريات المباراة عبر هذه المساحة
بدات المباراة كالعادة بحذر من جانب الفريقين ويحتسب الحكم اول رمية للمريخ واول ركنية للمريخ ويسدد قلق كرة تمر امام ليما وخطأ لصالح الهلال من المخالفة التي ارتكبها ضفر مع بكري المدينة ويتعرض بكري للاصابة ويتم علاجه ويعود ويواصل اللعب مع زملائه ومخالفة مع كلتشي ينفذها قلق مباشرة في المرمي تمر يمين الحارس جمعة ولمسة يد لصالح الهلال ينفذها مهند الطاهر ويستلمها الحضري وهجمة اخري لبكري المدينة يبعدها البرازيلي ليما للاوت وركنية للمريخ من الباشا ينفذها مصعب عمر ويبعدها دفاع الهلال ويمرر الباشا لكلتشي الذي يسدد بقوة يبعدها جمعة جنارو وتمريرات من الباشا لكلتشي لرمضان عجب الذي يسدد في المرمي ولم يتم احتساب الهدف لان هناك حالة تسلل ومخالفة لصالح الهلال ينفذها مهند يبعدها دفاع المريخ ويتعرض نجم الدين للاصابة ويتم علاجه ويعود ومخالفة من اكانقا مع كلتشي ينفذها قلق ويبعدها الدفاع وتسديدة من مصعب يبعدها جمعة جنارو
الهدف الاول للمريخ
يواصل المريخ ضغطه علي الهلال ويمرر مصعب عمر كرة بينية لرمضان عجب الذي وجد نفسه في مواجهة الحارس جمعة ويسدد كرة قوية بيسراه محرزا الهدف الاول للمريخ في الدقيقة 23 ويسدد مهند الطاهر كرة قوية ترتطم بمدافع المريخ نجم الدين وعكسية للباشا يلتقطها جمعة ومخالفة للهلال يلعبها مهند الطاهر يحولها الحضري لركنية ينفذها كاريكا ويبعدها ليما وركنية اخري للمريخ يبعدها الدفاع لخارج الملعب ومخالفة مع اكانقا تلعب لنزار حامد تمر خارج الملعب ويجري الجهاز الفني للهلال اول تبديل بخروج معاوية فداسي ودخول خليفة في الدقيقة 34 وتمريرة من الباشا لكلتشي لرمضان وكاد رمضان ان يحرز هدفا ثانيا ولكن تدخل عبداللطيف بوي حال دون ذلك حيث حولها بوي لركنية ومخالفة مع الحضري يرتكبها المدينة ويتم علاج الحضري ويعود وركنية للهلال يبعدها الدفاع والحضري ينقذ كرة خطيرة للهلال ويبعدها لركنية وتلوح فرصة اخري للهلال من سانييه ويخرج الحضري ويسدد في الزاوية وتمر الكرة خارج الملعب وبعدها اعلن الحكم الدولي الفاضل ابوشنب عن نهاية الشوط الاول بهدف للمريخ.
شوط هلالي ضاغط:
بدأ الهلال الشوط الثاني بلعب ضاغط بغية احراز التعادل وتتحول الكرة الي رميات تماس لصالح الهلال في بداية هذا الشوط لعدة مرات ومخالفة مع كاريكا من كلتشي ينفذها كاريكا ويبعدها باسكال لركنية وركنية للهلال ينفذها كاريكا وهجمة مرتدة من رمضان عجب ورأسية من سانييه يستلمها الحضري ويمرر الباشا لرمضان عجب يسدد لخارج الملعب وفاول يرتكبه ضفر من كاريكا وخطأ للهلال من ليما مع نزار حامد ومخالفة مع ضفر ينفذها الحضري لكلتشي لرمضان عجب يسدد في الاوت تمر يمين جمعة جنارو وبطاقة صفراء لمصعب عمر ينفذها مساوي ويجري الجهاز الفني للمريخ تبديلا بخروج الباشا ودخول الشغيل في الدقيقة 22 وهجمة هلالية من كاريكا يحولها السعودي لركنية وتسديدة للهلال يصدها عصام الحضري يبعدها باسكال وتوجيهات من حكم المباراة لسانييه ونجم الدين ومخالفة لصالح الهلال ينفذها مهند الطاهر الذي يسدد كرة قوية يصدها الحضري ويبعدها لركنية وركنية اخري للهلال يبعدها الدفاع ومخالفة لصالح الهلال من مصعب عمر في الدقيقة 27 ينفذها مهند الطاهر يبعدها الحضري ويحولها باعجوبة وتسديدة من كاريكا يستلمها الحضري ويجري الجهاز الفني للمريخ تبديلا بخروج رمضان عجب ودخول ساكواها ويجري الجهاز الفني للهلال تبديلا اخر بخروج بكري المدينة ودخول الطاهر حماد وينفذ مهند الطاهر ركنية للهلال ويلعب كرة عالية لم تجد المتابعة ويجري الجهاز الفني تبديلا بخروج اكانقا ودخول علاء الدين يوسف في الدقيقة 38.
الهدف التعادلي للهلال:
يقود الهلال هجمة خطيرة لتصل الكرة للطاهر حماد الذي يمرر كرة عكسية لتجد سانييه المتابع الذي يسدد برأسه قوية محرزا هدف التعادل للهلال في الدقيقة 40 ويجري الجهاز الفني للمريخ تبديلا بخروج نجم الدين ودخول بله جابر ويتعرض الحارس جمعة جنارو للاصابة ويعود لمواصلة اللعب بعد العلاج ويتعرض سانييه للاصابة ويعود ويواصل وتسديدة من كلتشي يبعدها دفاع الهلال لركنية واعلن الحكم الدولي الفاضل ابو شنب عن نهاية المباراة بتعادل الفريقين 1/1.
مثل المريخ كل من الحضري، نجم الدين، بله جابر، باسكال ، ضفر، قلق، مصعب عمر، الباشا، الشغيل، كلتشي، سعيد السعودي، رمضان عجب، ساكواها، ليما.
بينما مثل الهلال جمعة جنارو، مساوي، بوي، فداسي، خليفة، كايا، نزار حامد، اكانقا، علاء الدين يوسف، مهند الطاهر، سانييه، كاريكا، بكري المدينة والطاهر حماد.

قوون

الهلال يرفض الهزيمة بعزيمة

كرر الهلال والمريخ شريط تعادلهما في الكونفدرالية الافريقية بالكربون وتعادلا من جديد بهدف لكل منهما في اللقاء الذي جمع بينهما مساء امس باستاد المريخ علي منافسة الدوري الممتاز لكرة القدم في دورته الثانية.
حيث بكر اصحاب الارض فريق المريخ بهدف السبق عن طريق رمضان عجب في الدقيقة 23 من الشوط الاول وعادل الهلال في الشوط الثاني برأسية المحترف سانييه في لقاء قوي ومثير شهد العديد من الملامح الفنية من الطرفين.
وحرم حارس منتخب الفراعنة المصري عصام الحضري الهلال من انتصار مستحق وهو يذود عن مرماه ببسالة ويقظة حيث ابعد كل كرات الهلال الخطرة والتي كانت في طريقها للشباك في مرات عديدة خاصة تسديدة مهند الطاهر التي حولها الحضري الي ركنية.
بهذه النتيجة يكون الهلال قد قطع شوطا بعيدا في استعادة لقب الممتاز الذي فقده في الموسم الماضي حيث لم يخسر حتي الان ووسع الفارق بينه وبين المريخ في لقاء الامس بالتعادل الذي جعله يتمسك بالصدارة بيد من حديد رافعا رصيده الي 56 نقطة فيما رفع المريخ رصيده الي 47 نقطة وتبقت له مباراة مؤجلة.

قوون

اضواء علي لقاءات القمة في الممتاز

المباراة التي يلعبها فريقا الهلال والمريخ مساء اليوم باستاد المريخ تحمل الرقم 33 في بطولة الدوري الممتاز اذ سبق مباراة اليوم 32 مباراة للفريقين اقيمت بثلاثة استادات الهلال - المريخ واستاد الخرطوممن بين اللقاءات العديدة التي جمعت بين الهلال والمريخ في بطولة الدوري الممتاز هناك مباراتان سبق ان ادارهما حكام اجانب او بمعني اخر حكام عرب لتكون تلك المباراتين هما اول واخر مباراتين ادارهما حكام غير سودانيين ورغم ان الفريقين ظلا يطالبان بحكام من الخارج لادارة مبارياتهما خاصة في الدوري الممتاز الا ان الاتحاد العام لم يستجب لرغبة الناديين المباريات ال 32 التي لعبها الفريقان في الدوري الممتاز منذ انشائه في موسم 95/96 وحتي الان كانت كفة الهلال هي الارجح سواء في الفوز بالبطولة او في اللقاءات المباشرة بين الفريقين وهذا ماسنقوم باستعراضه من خلال هذه الصفحة الهلال والمريخ فاق مجموع المباريات التي لعباها في الدوري الممتاز في مواسمه السابقة التي بدأت من موسم 95/96 وحتي هذا الموسم مع كل اندية الممتاز اكثر من 330 مباراة سنشير اليها من خلال هذه الصفحة لنري اي الفريقين كسب اكثر المباريات في الدوري الممتاز من خلال المباريات التي لعبها في جميع مواسم البطولة التي وصل عددها الى 17 موسم
كل ذلك سنشير اليه ونستعرضه من خلال هذه الصفحة ليكون الكل علي بينة من امر الفريقين الكبيرين في اهم واكبر بطولة تنظم علي مستوي القطر
16 لاعب سجلوا اهداف المريخ ال 21
جملة الاهداف التي سجلها المريخ في شباك الهلال في المباريات التي اقيمت بين الفريقين في بطولة الممتاز بلغ عددها 21 هدفا سجلها 16 لاعبا هيثم طمبل هو هداف المريخ في تلك اللقاءات باحرازه 3 اهداف في شباك الهلال
ثلاثة لاعبين سجل كل منهم هدفين هم فيصل العجب - كلتشي وساكواها
12 لاعب سجل كل منهم هدفا واحدا هم زيكو - نميري احمد سعيد - حاتم محمد احمد - عبدالمجيد جعفر - محمد موسي - نجم الدين ابوحشيش - جندي نميري - عبد الحميد السعودي - موسي الزومة - لاسانا فاني - الدافي وسعيد السعودي
الموسم الحالي شهد خسارة الفريقين لنقاط اول مباراة
منذ انشاء بطولة الدوري الممتاز في موسم 95/96 اي قبل 17 سنة لم يحدث ان خسر الهلال والمريخ نقاطا معا في اول مباراة لعباها في الموسم وهذا ماحدث للفريقين في الموسم الحالي الذي بدأه الفريقان بخسارة نقاط.. المريخ خسر مباراته الاولي او المباراة الافتتاحية بالنسبة له امام الامل بنتيجة صفر/1 ليخسر المريخ اول ثلاث نقاط في اول مباراة لعبها اما الهلال فهو الاخر خسر نقطتين في اول مباراة لعبها وذلك عندما تعادل مع اهلي شندي باستاد عطبرة سلبيا كون ان يخسر الهلال والمريخ معا نقاطا في اول مباراة لهما في بطولة الممتاز هذا شئ لم يحدث في اي موسم من المواسم التي انقضت من عمر البطولة
32 مباراة كسب الهلال 16 والمريخ 6
المباريات ال 32 التي جمعت بين الهلال والمريخ في بطولة الدوري الممتاز منذ انطلاقته في موسم 95/96 جاءت حصيلتها على النحو التالي
حقق الهلال الفوز في 16 مباراة اي في نصف المباريات المريخ كسب 6 مباريات فقط التعادل حدث في عشر مباريات مجموع الاهداف التي سجلها الهلال في شباك المريخ في ال 32 مباراة بلغ عددها 36 هدفا بينما احرز المريخ في ال 32 مباراة 21 هدفا
19 مباراة للهلال و 18 للمريخ في البطولة الحالية
مباراة اليوم بين قمتي الكرة تقام في الاسبوع العشرين وهي المباراة رقم 20 بالنسبة للهلال ورقم 19 بالنسبة للمريخ الذي تاجلت فيه مباراة مع هلال كادوقلي ستلعب لاحقا الهلال من ال 19 مباراة التي لعبها في البطولة الحالية تحصل علي 55 نقطة بالفوز في 18 مباراة والتعادل في مباراة واحدة
المريخ جمع 46 نقطة من المباريات ال 18 التي لعبها بفوزه في 15 مباراة وتعادله في مباراة وخسارته لمباراتين مع الوضع في الاعتبار ان المريخ لديه مباراة مؤجلة مع هلال كادوقلي بالنظر الى الاهداف التي سجلها الفريقان والتي سجلت ضدهما نجد المريخ هو صاحب الاهداف الاكثر باحرازه 53 هدفا في 18 مباراة اما الهلال فسجل 48 هدفا في 19 مباراة وهذا يؤكد ان المريخ هو صاحب الهجوم الاقوي اما بالنسبة للدفاع فاكد دفاع الهلال انه هو الاقوي وولجت مرماه 7 اهداف مقابل 9 اهداف استقبلتها شباك المريخ
334 مباراة للهلال في الممتاز مقابل 333 للمريخ
نسبة لتأجيل مباراة المريخ مع هلال كادوقلي فان مجموع المباريات التي لعبها المريخ في بطولة الدوري الممتاز في جميع مواسمه التي بدأت من موسم 95/96 وحتي هذا الموسم وصل عدد مباريات المريخ الى 333 مباراة مقابل 334 مباراة للهلال اي ان الهلال يسبق المريخ بمباراة واحدة هي مباراة المريخ المؤجلة مع هلال كادوقلي
ال 334 مباراة التي لعبها الهلال في جميع مواسم البطولة البالغ عددها 17 موسما حقق الهلال الفوز في 257 مباراة وتعادل في 54 مباراة وخسر 23 مباراةمجموع الاهداف التي سجلها الهلال في ال 334 مباراة بلغ عددها 775 هدفا ودخل مرماه 150 هدفا في جميع مواسم الممتاز ال 17
المريخ من ال 333 مباراة التي لعبها في جميع مواسم الدوري الممتاز حقق الفوز في 438 مباراة وتعادل في 53 مباراة وخسر 42 مباراة
بالنسبة للاهداف التي سجلها المريخ في جميع المباريات التي لعبها وهي 333 مباراة بلغ عددها 735 هدفا مقابل 204 هدفا ولجت مرماه.
الهلال تفوق في لقاءات الخميس
هناك سبع مباريات جمعت بين الهلال والمريخ في يوم الخميس في الدوري الممتاز نستعرضها بمناسبة لقاء اليوم الذي يقام في يوم الخميس ليكون هو اللقاء التنافسي الثامن الذي يلعب في يوم الخميس في الدوري الممتاز بين الفريقين جاءت لصالح الهلال اذ تمكن الهلال من الفوز في خمسة لقاءات وفاز المريخ في لقاء واحد وتعادل الفريقان مرة واحدة بشه هو هداف لقاءات القمة التي اقيمت في يوم الخميس باحرازه ثلاثة اهداف يليه مهند الطاهر باحرازه لهدفينجملة الاهداف التي سجلها الهلال في لقاءاته بالمريخ في يوم الخميس بلغ عددها 12 هدفا مقابل 7 اهداف للمريخ اليوم هو اللقاء الثامن الذي يلتقي فيه الهلال و المريخ في يوم الخميس.. ياتري لمن ستكون الغلبة؟
ثلاث ضربات جزاء للهلال ولاشئ للمريخ
في جميع المباريات التي جمعت بين الهلال والمريخ في الدوري الممتاز والتي وصل عددها الى 32 مباراة احتسبت فقط ثلاث ضربات جزاء كلها جاءت لصالح الهلال دون ان ينال المريخ اية ضربة جزاء طوال لقاءات الهلال والمريخ في الدوري الممتاز
ضربات الجزاء الثلاث التي احتسبت للهلال جاءت كالاتي في اول مباراة لعبها الفريقان في موسم 95/96 وفي الدورة الاولي في المباراة التي اقيمت باستاد الهلال نال الهلال ضربة جزاء سجل منها ابوشامه هدفا للهلال
ضربة الجزاء الثانية احتسبت في نفس الموسم اي في الموسم الاول في مباراة الدورة الثانية وهي الضربة التي ادت لاحتجاج كبير من لاعبي المريخ تسببت في الغاء المباراةالضربة الثالثة والاخيرة نالها الهلال في المباراة التي اقيمت في يوم الثلاثاء 30/11/2004 وتصدي محترف الهلال روبيرو البرازيلي للضربة وسجل منها هدف الهلالالمريخ في كل مبارياته في الدوري الممتاز لم تحتسب له اية ضربة جزاء
هيثم طمبل هداف اللقاءات
هيثم طمبل الذي لعب للهلال والمريخ كان هو الهداف الاول في لقاءات الفريقين في الدوري الممتاز اذ سجل 6 اهداف ثلاثة عندما كان يلعب في الهلال سجلها في شباك المريخ وثلاثة ايضا في الهلال عندما تحول للعب للمريخ
فارق النقاط 55 لصالح الهلال
مجموع النقاط التي تحصل عليها الهلال في المباريات ال 334 التي لعبها في جميع مواسم الدوري الممتاز وصل عددها 1002 اما المباريات ال 333 التي لعبها المريخ مجموع نقاطها بلغ 999 نقطةمن جملة ال 1002 نقطة تحصل الهلال علي 825 نقطة اي ان الهلال خسر 177 نقطة اما المريخ من مجموع 999 نقطة هي جملة نقاط مبارياته ال 333 تحصل المريخ على 767 نقطة بخسارة 232 نقطة وهذا يعني ان فارق النقاط بين الهلال والمريخ في جميع مباريات الممتاز وصل الى 55 نقطة تفوق بها الهلال علي المريخ
21 لاعبا سجلوا اهــداف الهــلال ال 36
اهداف الهلال ال36 التي سجلها في شباك المريخ في المباريات ال 32 التي اقيمت بين الفريقين في الدوري الممتاز شارك في تسجيلها 21 لاعبا
ثلاثة لاعبين شاركوا في لقب هداف الهلال في تلك المباريات باحراز كل منهم ثلاثة اهداف في شباك المريخ واللاعبون هم خالد بخيت - هيثم طمبل وبشة تسعة لاعبين سجل كل منهم هدفين وهم جمال سانتو - زاهر مركز - معتز كبير - روبيرو - هيثم مصطفي - كلتشي - قودوين - مهند الطاهر وسيف مساوي تسعة لاعبين سجل كل منهم هدفا واحدا هم انس النور - والي الدين - ابوشامه - باكمبا - صلاح الضي - صالح نيالا - ريتشارد جاستين - مدثر كاريكا وسادومبا.

قوون

غارزيتو يتطلع لتعزيز صدارة الممتاز وريكاردو يخطط لعرقلة مسيرة الهلال وتقليص فارق النقاط

تعلق جماهير الهلال آمالها في قمة اليوم التي تجمع فريقها بغريمه التقليدي المريخ في منافسة الدوري الممتاز تعلق آمالها علي مهاجمها السوبر مدثر كاريكا في حسم النتيجة لصالح الهلال بعد اطمئنانها علي المستوي الفني الثابت لكاريكا في مجموع اخر ثلاث مباريات شارك فيها اللاعب مع الفريق وقدم فيها مستوي اداء يشار اليه بالبنان.
وتري الجماهير الزرقاء في مدثر كاريكا اكثر مهاجم يمتلك نزعة هجومية تجعله قريبا من هز شباك اي فريق خصم لامكانياته الفنية العالية وسرعته في الانطلاق والاختراق والتي تجعل منه مهاجما سوبر في لقاء القمة اليوم وما يطمئن الاهلة اكثر ان كاريكا سبق له وان احرز اكثر من هدف في شباك المريخ في فترات متفاوتة الامر الذي يجعل الاهلة يعلقون عليه الامال في هز شباك حارس المريخ المخضرم عصام الحضري الذي سيحرس عرين المريخ.
مخاوف ريكاردو من كاريكا وسادومبا:
تفوق وقوة هجوم الهلال اكثر ما يميز الفريق الهلالي في لقاء اليوم لوجود اكثر من لاعب مهاجم يجيد فن احراز الاهداف خاصة الثنائي كاريكا وسادومبا الامر الذي يحتم علي الجهاز الفني للمريخ باخضاعهما الي مراقبة لصيقة في لقاء اليوم.
ريكاردو مدرب المريخ ووفقا للصحف الصفراء الناطقة باسم المريخ اكدت ان مخاوف ريكاردو في هذه المباراة تتركز في المهاجم كاريكا وساودمبا وقال انه لا يهاب الهلال كله بقدر ما يري ان خط هجومه يميزه وجود هذا الثنائي وذكر بان عملية مراقبتهما ستكلفه اكثر من لاعبين في خط دفاع المريخ لان ايقاف خطورة كاريكا او سادومبا تحتاج الي اكثر من لاعبين اثنين.
غارزيتو يرهب المريخ بثلاثة مهاجمين:
المدير الفني للهلال الفرنسي غارزيتو يعتقد ان فريقه لا يستطيع ايقاف خطورة منافسه المريخ في قمة اليوم الا بالاعتماد علي ثلاثة مهاجمين في تشكيلة واحدة يبدا بها المباراة مثلما فعل في القمة الافريقية السابقة والتي انتهت تعادلية 1/1.
فلسفة غارزيتو هذه تجعل من كاريكا لاعب الوسط المتقدم او المهاجم في مهمة السيطرة علي الملعب واجبار كل خطوط المريخ للعودة الي الخلف لحماية مرمي عصام الحضري خاصة وان هجوم الهلال وشراسته ربما يترك المجال لخط الوسط الهلالي للتقدم ايضا لمؤازرة كاريكا والمهاجمين الاثنين وبالتالي ستكون مشكلة المريخ في هذا الجانب عدم وجود كثافة عددية من اللاعبين المدافعين للقيام بادوار دفاعية في مواجهة هجوم مرصع بالنجوم والامكانيات مثل هجوم الهلال.
قمة ليست عادية:
كثيرون يعتقدون ان مباراة القمة اليوم التي تجمع الهلال والمريخ في الممتاز يرون انها قمة عادية وهي العكس لان الفريقين يدخلان لقاء اليوم من اجل اثبات الجدارة والتميز كل يريد ان يكون الافضل هذا من ناحية اما الناحية الثانية فان الهلال يدخل من اجل ان يثبت للراي العام ان تصدره للممتاز لم يكن صدفة ويريد الفوز لتوسيع الفارق اكثر واكثر اما المريخ فهو يريد ان يبرهن ان فقدانه للدوري جاء نتيجة سوء طالع لازمه في مباريات سابقة وبالتالي يعمل علي ـ تمسيخ ـ الدوري للهلال الذي اصبح قاب قوسين او ادني من استرداد تاج البطولة.
غارزيتو يحتفظ باهم الاوراق في الكنبة:
ما يميز الهلال في لقاء اليوم امام المريخ احتفاظ مدربه الفرنسي غارزيتو باكثر من ورقة علي دكة البدلاء وهذا يعني ان هذا المدرب لديه فكر في استراتيجية اللعب التي تقضي بعدم التسرع في اشراك العناصر المهمة في قوام التشكيل الذي سيبدا به المباراة وهذا يعني ان يشرك عناصر الجاهزية والاحتفاظ بورقة او ورقتين في الاحتياطي.
او ربما شاهد الناس جلوس مهند الطاهر.
وطالما ان الحديث عن الغزال مهند الطاهر فهذا اللاعب هو الاخر دخل اسمه ضمن احد اللاعبين المرشحين لهز شباك المريخ للمميزات التي يتفوق بها عن غيره من اللاعبين وهي تلك الخاصية التي تميزه خاصية التسديد القوي والصاروخي بالقدم اليسري فضلا عن الحلول الفردية التي يصعب علي اي لاعب مراقبة حركته او دورانه.

قوون

القمة هي الاهم في نظر البعض من منصات التتويج الافريقية

القمة قائمة بعد ارهاصات التأجيل التي اصبحت حديث الوسط الرياضي مؤخرا لم تتأجل القمة كما زعم البعض ورغم قيامها فهل نشاهد قمة جديدة في شكلها ومضمونها هل نشاهد قمة تختلف عن القمم السابقة هل نشاهد قمة بها طعم الكونفدرالية بعد احتكاك الفريقين ووصولهما لادوار متقدمة ووصولهما الي دور الاربعة في هذه المنافسة فهل ياتري استفاد نجوم القمة من احتكاكهما مع هذه الاندية فهل هناك فائدة جناها هؤلاء النجوم من هذا المعترك الافريقي؟ نأمل ذلك ولكن من خلال اللاعب السوداني نجد ان هوس هلال مريخ يسيطر عليه عند دخوله المباراة وينسي المعترك الافريقي ويلعب المباراة بعقلية هلال مريخ فهي المباراة الحساسة وهي في نظر البعض اهم من الكونفدرالية وحتي في صفوف الاداريين وصفوف الجماهير فان هلال مريخ هي الاهم فهل تتغير النظرة لهذه المباراة وتكون مباراة بطعم الكونفدرالية ونري مباراة فيها تمريرات متقنة واللعب من لمسة واحدة وهذا هو الامل المرتجي ولكن ان يقدم نجوم القة العك الكروي والشلاليت واللعب علي الاجسام فانهم رجعوا لطبعهم القديم ولم يستفيدوا من هذا الاحتكاك الافريقي ولكن هذه هي طبيعة اللاعب السوداني ففي كل مباراة نجد ان هناك تذبذبا في المستوي بعد كل مباراة واخرى ليس هناك ثبات في المستوي واعتقد ان هلال مريخ المقامة اليوم لن تكون هلال مريخ جديدة بل تكرار للنسخة القديمة من ناحية التوتر وفلتان الاعصاب والحساسية الزائدة فالمريخ يدخل المباراة وهو يسعي لتقليص الفارق في النقاط بينه وبين الهلال في صدارة الممتاز والهلال يسعي للفوز لتأكيد جدارته بالصدارة وحسمها قبل انتهاء الدوري وهي بروفة لمباراة الفريقين في البطولة الكونفدرالية نتمني ان تخرج المباراة في ثوب قشيب وان يتحلي جمهور الفريقين بالروح الرياضية الاصيلة ولاداعي لتكرار المشاكل والشغب الذي حدث في قمة الكونفدرالية الماضية وان يعطي الحكم كل ذي حق حقه فالتحكيم العادل هو الذي يقود المباراة لشاطئ الامان فلا مجال للتحامل علي فريق علي حساب الاخر وان يكون الحكم صارما في قراراته حتي لاتفلت المباراة من بين يديه وان تكون هناك مباراة بين الجهاز الفني للفريقين. فيا نجوم القمة هل من جديد؟.

قوون

البرير يشهد المران وسادومبا يبحث عن انجاز جديد اليوم

يبحث الزيمبابوي ادوارد سادومبا عن انجاز جديد في لقاء القمة اليوم امام المريخ بعد ان وضع بصمته في اللقاءات السابقة واخرها مباراة الفريقين في الجولة الثانية للكونفدرالية الافريقية حيث سجل فيها هدفا جميلا منح الهلال نقطة غالية.وتألق سادومبا في تدريبات الهلال التي جرت خلال اليومين الماضيين وكذلك في المباراة الرسمية التي خاضها في الدوري.دخل كبير متوقع لمباراة اليوم يتوقع ان تحقق مباراة اليوم بين الهلال والمريخ دخلا كبيرا وذلك نظرا لسعة استاد المريخ ولرغبة الجماهير في متابعة اللقاء من داخل الاستاد.
ضوابط صارمة للدخول في لقاء اليوم
فرض الاتحاد السوداني لكرة القدم ضوابط صارمة لمباراة اليوم حيث اصدر توجيهات مشددة للجهات المنظمة لفرض الانضباط علي الجميع والاستعانة بالقوات النظامية تحسبا للطواريء.
شهد السيد الامين البرير رئيس مجلس ادارة نادي الهلال مران الفريق الذي اجراه مساء امس استعدادا لمباراته المهمة مساء اليوم ضمن مباريات الدوري الممتاز وقد حث البرير اللاعبين علي بذل الجهد خلال مباراة اليوم حتي يضمن الفريق فوزه باللقب ويتفرغ للبطولة الكونفدرالية بعد ان يتسع الفارق بينه ونده التقليدي المريخ.. الي ذلك واصل الثنائى خليفة احمد وصالح الامين للغياب.

قوون

الغزال يتطلع للتسجيل في شباك الحضري

يتطلع غزال الهلال مهند الطاهر لتسجيل هدف في شباك حارس المريخ عصام الحضري في لقاء اليوم ليقدمه هدية للجماهير الهلالية التي طالما تغنت باسم اللاعب في المباريات الجماهيرية السابقة وطالبته بالتسجيل في الشباك الحمراء اليوم.رصد مجلس ادارة نادي الهلال حوافز مالية ضخمة في حالة تحقيق الانتصار اليوم علي المريخ وحسم بطولة الدوري الممتاز قبل موعدها وسيحصل كل لاعب في الهلال على مبلغ كبير اذا ما تحقق الفوز وتم حسم البطولة.
الكاف يراقب مباراة اليوم
تشير متابعات قوون ان الاتحاد الافريقي لكرة القدم ـ الكاف ـ سيراقب مباراة اليوم بين الهلال والمريخ في الدوري الممتاز ليقف علي النواحي الامنية والتنظيمية قبل اللقاء المرتقب بين الفريقين في الجولة السادسة لدوري المجموعات بكأس الاتحاد الافريقي لكرة القدم (الكونفدرالية).
وكان الكاف قد اصدر عقوبات صارمة ضد الهلال والمريخ واهلي شندي للمخالفات التي ارتكبوها في المباريات الافريقية السابقة.

قوون

الهلال ينازل الأهلي شندي بالجمعة

     حدد الاتحاد الافريقي لكرة القدم ( CAF ) تواريخ مباريات الجولة الخامسة في بطولة الكونفدرالية حيث يستضيف الهلال على ملعبه عشية الجمعة الخامس من اكتوبر القادم الأهلي شندي في السابعة مساء بتوقيت السودان، أما في المباراة الثانية فيستضيف إنتركلوب الانقولي المريخ بأنقولا السبت السادس من اكتوبر في تمام الخامسة والنصف بتوقيت أنقولا السابعة والنصف بتوقيت السودان.

آخر كلام.. القمة يوم الخميس

   
 تحصلت صحيفة الموج الأزرق على معلومة مؤكدة من داخل إتحاد الكرة تفيد بأن مباراة القمة قائمة في موعدها أمسية الخميس القادم عند الساعة الثامنة على إستاد المريخ ضمن جولات الاسبوع الـ ( 20 ) لدوري سوداني الممتاز.

أربعة مواجهات في الممتاز اليوم

    

تشهد ساحة التنافس عصر ومساء اليوم أربع مواجهات في منافسة الدوري الممتاز لحساب الجولة ( 20 ) حيث يشهد إستاد الكاملين لقاء النيل حصاحيصا والأهلي الخرطوم، ويحل الرابطة كوستي ضيفاً على جزيرة الفيل، ويستضيف الأمل العطبراوي هلال الساحل، فيما يشهد إستاد كادوقلي لقاء هلال الجبال والخرطوم الوطني.

نجيلة استاد الهلال بتضحك ليه ؟..(الفرحة) ظهرت في (كراسيكم)

وان طال السفر - محمد عبد الماجد                                            

هدف (سوسواني) وهدف (شقلواني) وهدف (هوبوباني) وتفاصيل بعد الفاصل
• انا كنت قايل الموضوع ...(كورة) بس.
• الموضوع ظهر اكبر من كدا.
• الشيء سياسية ..والشيء فن والشيء ثقافة ...والشيء لافتات لنصرة المصطفى
عليه افضل الصلاة والسلام.
• الا رسول الله.
• قلنا ليكم من البداية ...نحن الحكاية عندنا ما هي كورة بس.
• الكورة زايلها.
• نحن حسب (فهمنا) ..كنا فاكرينها كورة والسلام في البداية ، (زي أي
اتنين بتلاقو صدفة)..اتضح لنا اخيرا ان الحكاية فيها (دروس عصر).
• وفيها حصص صباحية كمان.
• وفيها تسميع ..وحفظ وامشي جيب ولي امرك وتعال.
• فيها تجارب ...وفحص ملاريا ...وكشف حال.
• فيها عرضة ..وصقرية ....وبطان ...وفاصل للولاد وفاصل للبنات.
• أي حاجة نحن عندنا بي نظام.
• أي حاجة.
• حتى (الشباك) الفاتح في الشارع.
• الشباك هسع ذنبو شنو؟.
• ناس مدثر كاريكا ديل عملوا أي حاجة في الكورة ...عملوا عصير الليمون من (الجدعة).
• طبق اليوم.
• كيف تعمل عصير ليمون من (تمريرة) عمر بخيت؟.
• انظر الهدف الثاني.
• وخلينا نطلع فاصل ونرجع.
• المقادير.
• اول حاجة تجيب ليك كورة تقطعها.
• ما تقول لي اقطعها من وين؟..ان شاءالله تقطعها من السماء الاحمر ...انا
الموضوع دا ما بخصني كتير.
• المهم عندي تجيب ليك كورة تقطعها.
• واجيب ليك اربع هنود زي (ليما).
• طبعا انا ليما دا ما مقتنع انو برازيلي..انا واخوي خلف الله ابومنذر
..ما مقتنعين بالحكاية دي.
• نرجع للكورة المقطوعة.
• بعد دا انت وتصرفك ...(الجيش تصرف)...تقطعها من شندي ..تقطعها من الفاشر.
• انت حر.
• الحاجة التانية المطلوبة منك تخت عمر بخيت قدامك.
• تضغط نجمة.
• ترفع الشراب.
• طبعا ح تقول لي الشراب ذنبو شنو؟.
• تدور الخلاط على كدا ..بطلع ليك عصير الليمون.
• خلوه عصير الليمون دا.
• انتوا ما شفتوا (شية الجمر) العملها مهند الطاهر.
• قدم سانيه.
• رجع كاريكا.
• قلب البصلة ...حمر الشية.
• طلع بلة جابر.
• الطبق دا ساهل شديد...ما عاوز ليه مراجعات كتيرة.
• أي اربع باكات ممكن يعملوه.
• المهم لو لقيت مهند الطاهر في يومو
• بطلع ليك احسن شية جمر في الدنيا.
• الكلام دا كلو خلوه.
• شفتوا العملية العملها (جمعة).
• جمعة دا دخل غرفة العمليات ..وقال جيبوا لي مشاكل دفاع الهلال كلها.
• ونزلك معالجات في (الدفاع)..فك وتركيب.
• ما خلى ليه مشكلة.
• دا مشاكلنا الاقتصادية ..شافها ليك.
• ازمة المواصلات ..قطوعات الموية ...تصريف الخريف ...كلها حلحلها ليك.
• يجيب مساوي يكورك في عبداللطيف بويا ..وينادي معاوية فداسي ..ويطلع في الكورة.
• والله يا جمعة ..نحن نلقى معاك (سبت) واحد كدا ..نجيب كأس العالم.
• ما تقعدوا تتغالطوا فينا ساكت.
• على العموم نحن ام درمان ما خزلتنا.
• ام درمان قعدت تضحك لينا.
• مرقت لينا بي شوارعها.
• لبست (طرحتها) وطلعت.
• هي عارفة الفرح ما بكون إلا في انتصار الهلال.
• وقت الهلال ينتصر ..ام درمان دي بتبقى زي (العروس).
• الضحك عاوز يشقها.
• مشينا المباراة ...لقينا ليك الناس تضحك من الابواب.
• الابواب فاتحة 5 ضلف.
• عرفنا ليك انو الموضوع دا ما ساكت.
• الضحك دا نحن شايفنو قبل كدا.
• الناس دي ما بتضحك ساكت.
• يا جماعة مالكم ..الحاصل شنو؟.
• البترول ظهر في استاد الهلال.
• معاوية فداسي مشي يحترف في برشلونة.
• مالكم بتضحكوا كدا ...زي الزول العندو مرتبين.
• قعدنا ..عرفنا ليك الحاصل..قالوا مشكلة هيثم مصطفى حفظه الله ورعاه اتحلت.
• الرئيس ادخل ليك في الموضوع.
• اصلو نحن رجعنا للدفاتر القديمة ...لقينا ليك هيثم مصطفى دا (سفير).
• والسفير مشاكلو ما بحلوها وزراء الدولة.
• السفير مشكلتو بحلها الرئيس.
• الرئيس شخصيا ..لا لجنة ...ولا وكيل وزارة شفتو كيف؟.
• واحد كان قاعد شفقان.
• شفقان شديد ...النوع البشتم ليك حكم الراية قبل ما الكورة تبدأ.
• قلنا للزول الشفقان دا يا زول روق ..مالك ضايق كدا ...اي زول يجي ماشي
فيك تنزل ليك منو كباية شاي.
• يا زول اهدأ...مشكلة هيثم مصطفى اتحلت.
• قال لينا عشان كدا.
• قلنا ليه عشان كدا شنو؟.
• قال لينا عشان كدا ...نجيلة الهلال بتضحك براها ..زي الزول وقت يضرب ليه المدير.
• زي القميص الزراريو مفتحة.
• يقعد يضحك كدا بدون سبب.
• والكراسي ذاتها عيونها (زغللت) ...من الفرحة.
• كراسينا دا تقول ضاربة (فراخ)..اتنفت فجأة كدا.
• على كدا الكورة دي ح تكون (باسطة).
• باسطة عديل كدا.
• المباراة بدأت ..ظهر لينا سانيه في قلب الهجوم ..ينزل ويطلع زي (البرق).
• يثبت الكورة ...ينزل يقلعها.
• في واحد قاعد جنبنا قال لينا دا شنو البعمل فيه سانيه دي؟.
• واحد تاني قال ليه : سانيه دا الظاهر كدا ببرف في (الطير المهاجر).
• الشغل دا شغل صلاح احمد ابراهيم عديل كدا.
• دا ما شغل الكورة البنعرفو نحن.
• الزول ما كمل كلامو ..سانيه جاب ليه قون.
• القون دا اشرحو ليكم كيف؟.
• شفتو مسلسل (رأفت الهجان).
• الحلقة رقم 12.
• المشهد التاني.
• الشغل الحصل في الحلقة دي ..حصل في هدف سانيه تماما.
• اتنين نطو قدام سانيه ...الحارس قعد يتعذر( انا ظروفي صعبي وابوي عيان
..وامي كبيرة في السن) ..سانيه ضرب ليك الكورة على الارض ، رغم انه كان
هناك ساتر امامه.
• الحكم عجبتو (النطة)..حسب ليك الهدف حتى قبل ان يتجاوز خط المرمي.
• شاي اللبن دور جنبنا على الهدف دا.
• البشرب والما بشرب ...قعد يشرب في شاي اللبن.
• في زول تاني قاعد ورا ....طبعو كعب ..والهدف عجبو قال للبنت البتعمل في
الشاي..اسمعي ما في (زلابية).
• زلابية في السخانة دي.
• الزول دا بس نسى نفسو ساكت ..وقعد يطالب بالزلابية.
• زي الزول البكون قاعد يحضر ليه في فيلم اجنبي..يمشي التلاجة يشرب
..يرجع يجي يلقى ليك (البطل) كتلوه.
• او زي حفلات ترباس ...تغلط ..تقوم ..تمشي تبارك للعريس ..ترجع تلقى
كورسيك قعدوا فيه.
• اها هدف سانيه دا كان بالسناريو دا.
• بعد ما دورنا ليك في شاي اللبن ..(زي قطر المناورة) ....اي واحد فينا
عندو اغنية في موبايله ..شغلها ليك.
• نسينا ليكم الكورة مع شاي اللبن ..سرحنا عديل كدا.
• في اللحظات دي شفنا ليكم عمر بخيت بعمل أي حاجة في الكورة.
• الحاجة البتتعمل والما بتتعمل.
• البتجي والما بتجي.
• يا جماعة في شنو؟.
• عمر بخيت دا قايل نفسو بيلعب في (كامب نو).
• انت يا عمر بتتمرن فى استاد الهلال وإلا في (اكسفورد).
• شنو الحركات البتعمل فيها دي.
• والله نحن نلقى تلاتة منك ...نعمل في الدنيا دي جنس عمائل.
• لو لقينا واحد زيك بس ...بنمشي القمر.
• ما بنسأل والله في (الروس).
• واي واحد فينا يعمل ليه (نضارة).
• باقي نحن وقت نتفلهم ..بنلبس لينا (نضارة).
• الواحد يلبس ليه نضارة ..ويشيل ليه كتاب ..ويمشي جامعة الخرطوم.
• ويقعد يتحدث ليك عن نظرية النسبية لـ (بول موران).
• ما بنخلى لينا زول..بنثقف في الدنيا دي جنس تثقيف.
• غايتو يا عمر بخيت كورتكم اللعبتها دي ..ما كورة عادية.
• حاجة كدا فيها (سوناتات) بتهوفن ...شوفوا التمريرة التى لعبها عمر بخيت
لمدثر كاريكا.
• الاستاد كلو قايل الكورة دي (تسلل).
• والله حكم الرأية لو ما كان مجضم (الفيزياء)..كان رفع رأيتو.
• مباراة كان فيها كمية من (الهارموني) (والميلودي).
• شيء (زي نقر الاصابع لما ترتاح للموسيقي).
• كاريكا طلع من وين ما عارف؟.
• ذكرني بشة ...وموسي الزومة.
• عليك الله.
• ابوس يدك.
• موسي الزومة ما دخلوا لينا في (الهارموني) دا.
• ما تخرب لينا الرصة.
• المهم مدثر كاريكا تقول كان شايل (خريطة الكنز).
• ذكرني حاجة تانية.
• ذكرني جغرافية سنة تلاتة.
• الغريبة ..مدثر كاريكا انطلق كدا ....ومشي على الحارس ..استجوبو ليك جنس استجواب.
• ما خلى ليه سؤال ما سألو ليه؟.
• فحص ليه أي حاجة.
• الدم.
• والنظر.
• والغدد.
• والركب.
• وقت وصل للبطين الايمن ..في مدافعين كدا الله ما راضي عليهم.
• ظهروا من وين ما عارف؟.
• برضو.
• كاريكا انتظرهم لما وصلو.
• شيلهم العفش.
• وقعد يمسح ليك فيهم.
• مسح ليهم (الذاكرة) نهائي.
• شالها بصورة جذرية.
• شمال يمين.
• ثم يمين شمال.
• ثم بدل الكورة.
• ودخل ليك في (بناديها).
• بناديها حقت عمر الطيب الدوش .
• عشان ما تلخبطوا ساكت.
• كاريكا جضمها ليك جنس جضيم.
• زي الكتاب ما بقول.
• وقت خلاص الناس غرقت في المقطع التاني ...حضر ليك الكورة في اللفت.
• وسدد بالشمال.
• انت يا كاريكا انا عاوز اسألك سؤال.
• انت عندك كم كراع.
• ما شاءالله وتبارك الله.
• غايتو الكرعين العديتها براي وصلن 7 كرعين.
• قلت ليكم انا ..كاريكا بجيب ليه هدف شقلواني.
• قعدتوا تغالطوني.
• اها بعد كدا اعمل ليكم شنو؟.
• ادخل ليكم المباراة القادمة بي (قسم بي محيها البدر)...وإلا يا جوهر صدر المحافل.
• اذا كان هدف سانيه (سوسواني)..فان هدف كاريكا (شقلواني).
• يعني هدف سانيه من مدرسة الاغنية الحديثة.
• اما هدف كاريكا فهو من عيون الحقيبة.
• الهدف دا عاوز عوض بابكر ..انا ما بقدر عليه.
• لذلك يا رضا مصطفى الشيخ يوم الجمعة القادمة اوعك تجيب لينا هدف كاريكا دا.
• هدف كاريكا دا خليه لي عوض بابكر يجيبوا في (حقيبة الفن).
• انت ما بخصك.
• انتوا بتلعبوا وإلا شنو؟.
• نحن الحاجات دي ما بنجامل فيها.
• الاجمل من هدف كاريكا ... شعار (الا رسول الله).
• هكذا هو مدثر كاريكا ..دائما يثبت انه صاحب (رسالة)..وصاحب خلق رفيعة.
• هو دائما مهمو بالاخرين.
• يطرح في كل اهدافه قضايا ..ويتعايش مع الفكرة.
• الموضوع دا برجع ليه.
• عاوز ادخل في هدف مهند الطاهر ..واحمد الحاج بدأ يضرب لي.
• هدف مهند الطاهر دا اختصروا ليكم سريع.
• هو هدف من فصيل (الهوبة)..والهوبة في جبال الانقسنا ...حاجة تفرح.
• حاجة تشيل الملاريا.
• حاجة تجيب المطر.
• (حاجة فيك)..اغنية مصطفى سيد احمد التى كتبها هاشم صديق.
• دي يشرحوها ليكم كيف؟.
• موش مرات بتدخل البيت ..وبتكون جيعان كدا.
• تمشي طوالي على التلاجة.
• تقوم تلقى ليك حاجة ترم ليك عضمك.
• تجي طالع من المطبخ زي (المأمور).
• ما سائل في زول.
• زي الضابط.
• هدف مهند الطاهر دا هدف (هوبوباني)...سادومبا لعب فيه دور كبير.
• سادومبا خيط بيه الطرف اليمين كلو...ثم سلم الكورة لي مهند الطاهر.
• مهند الطاهر استلم ..ما خلي ليه قطعة ما خيطها.
• الما بخيطها ..بغسلها.
• طقطق ليك باقي الجماعة ..ووضع الكورة بي يمينو.
• يتخيل لي كاريكا سجل بالشمال.
• ومهند الطاهر سجل باليمين.
• شفتوا كيف؟.
• نحن أي حاجة عندنا بي نظام.
• تاني كدا اسمع لي واحد فيكم يقول انا عطشان.
• ملحوظة : احمد الحاج مسكولاتو كترت.
هوامش
• نجم المباراة الاول ..عمر بخيت ..لعب مباراة بعقل.
• استغرب.
• واستغرب ..لاعب بهذا المستوى كيف يجلس على دكة الاحتياطي يا مازدا؟.
• عليك الله تاني خت عمر بخيت اول ..وفكر في الباقين.
• عودة سيدا ..كان لها الاثر الكبير ..في مزاج الجمهور ..ومزاج اللاعبين.
• ولاعب بهذا الاثر ...حرام يكون بعيد.
• هيثم مصطفى في بيتو ..ظبط ليك الكورة.
• نتمنى استقرار الهلال ..لأن انتصارات الهلال وبطولاته في استقراره.
• بدون استقرار ..يمكن ان نفوز.
• ويمكن ان نتأهل.
• لكن ما بنشيل كأس.
• في كل مرة ..كنا نفقد الكأس ..بسبب المشاكل وعدم الاستقرار.
• الفترة القادمة ما عاوزين مشاكل.
• كان جميلا ..ان يتحدث معلق المباراة سوارالذهب عن هيثم مصطفى ..وعن اثر عودته.
• سوار الذهب انصف البرنس ..في الوقت الذي تفرغ فيه الرشيد المهدية
لانتقاد هيثم مصطفى.
• الرشيد المهدية عاوز يحلل قروشه بانتقاد هيثم مصطفى.
• يا الرشيد ..شوف ليك شغلة تانية ..لو دا تحليلك.
• العالم كلو بتحدث عن اثر هيثم مصطفى ..وانت لسه في محطة هيثم مصطفى ما سلم عليّ.
• عودة للمباراة.
• بويا وفداسي وكايا ومساوي لعبوا مباراة كبيرة ...مع ذلك دفاع الهلال كان ضعيفا.
• افتقد الهلال بشكل واضح ايكانغا.
• بعد عودة الاستقرار للهلال ..ناس المريخ ممكن يتكلموا عن (الوصافة).
• ما تفكروا في حاجة اكتر من كدا.
• جمعة يستحق احتفاء خاص.
• يستحق تكريم.
• اجمل ما في مباراة الامس ..هي اللافتات التي ادانت الفيلم المسييء لرسول الله.
• هذا هو الدور الذي نريده من الرياضة.
• وهذا هو الدور الذي يجب ان يقوم به الهلال.
• الهلال ما كورة بس.
• غارزيتو امس لعب المباراة بالمعطيات الموجودة عنده فكسب المباراة من الشوط الاول.
• عشان كدا ما اشتغل بالشوط التاني كتير.
• حسمها في الـ 45 دقيقة الاولى واتفرغ للحاجات التانية.
• كدا ممكن نقول الهلال اصبح قريب من الكأس.
• مباراة الهلال مع الموردة في الممتاز نريدها احتفالية خاصة.
• الناس مبسوطة.
• الناس فرحانة.
• واكيد ..الناس دي ما غلطانة.
• سادومبا اجتهد كثيرا ..ولكن لم يحالفه الحظ.
• ما عاوزين أي تأجيل لمباراة القمة.
• الهلال جاهز موية ونور.
• اقول ليكم حاجة.
• في الوضع الشفتو دا ..عاوزين هلال مريخ كل (خميس).
• ريكاردو شكلو كدا ح يرجع.
• خلاص يا ريكاردو عقدك ح ينتهي مع المريخ.
• لقيت لي ناس الخرطوم ديل وصدقت.
• عالم (روش).
• عاجل : والله يا اكرم مع الحالة دي اخير ليك (الكنبة).