الزمن كبس

الزمن كبس

ما فضل غير ساعات بس .. ونلقي روحنا قدام رفاق دروقبا.يعني بالحساب كدة زي ٣٦ ساعة. أنا ما داير أشكك في مقدرة منتخبنا علي مقارعة ناس دروقبا . لكن برضو الواحد بكون متوتر. يعني بكون حاسي زي البكرة تسميع و أنت عارف نفسك ما حافظ .. وشنو كمان ولا حا تحفظ . يعني مجلود مجلود. نحن بس يا معلم نقوم نعمل شنو. نردف و نتخن جلدنا يعني شنو ؟؟حا تكون أكتر من تلاتة تونس؟؟ ما أظن .؟! والله انا خايف يكون تسميع جدول ستة . خخخخ. جدول ستة و أنت ماشي صعبات خلاص. 

لكن برضو الواحد لمن يكون عارف الجاي عليهو احسن من يتفاجأ. يعني هسي أنا

مجهز نفسي لي جدول ستة و سبعة ذاتو..

أهاااا قول فجعتا كدة رفاق البرنس ضربوا رفاق دروقبا. تعرف أنا طوالي بتوفي

لأنو دي بتكون التسميعة الانا ما متوقعها كلو كلو .. و الله جد . هسي أنا بقول في الكلام

دة وشايفوا حلم حلم..كونوا أكتبو ساي . شايفها كتيرة. غايتو يا نبتاوي الله يكون في عونك. لكن شنو ... أنا عارف الزيي كتااار. هسي تلقي كتار ببلعو في ريقهم. والله .

هسي قبال المباريات تبدأ تلقي واحدين ريقهم نشف. خخخخخ.

هسي لو مشيت الحوادث . تلقي الجماعة بالكوم. الغريبة كل مرة كدة. من زمن شلنا

الكأس ( سنة أسكت و سبعين) تاني ما قلنا الحي يالعافية .من الوقت داك بس بنقول 

أحي ووب .. أحي ووب. أها لي يومي و يومك دة نحن في الوحيح دة. 

غايتو .. نسـال الله السلامة . و اريتو وحيحنا يقيف. 

دمتم بخير.